Bene Efeso 2:4 - Baibo Busansulushi Bwa Libuku Ili

⁴ Sombi Lesa wakatusuna abuumbi ceebo ca nkumbu shakwe shiteelekwi.

Bene Efeso 2:4 Referans Kwoze

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Kulumbaisha 145:8

Mwaami Lesa ngushiluse alimwi ngushinkumbu. Taafwambaani kukalala alimwi ulicite lusuno lutamaani.

Bene Loma 10:12

Taapu bupusano pabaJuda abaswamashi bakunsengwe mukwiinga Lesa womwi uyo ngoMwaami wabo boonse alimwi ulapa shoolwe boonse abo bamusenga.

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

Luka 1:78

Lesa wesu uliswite nkumbu ulaakutupa mumuni uli mbuli wa kumuyamaca.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulonga 33:19

Mwaami Lesa wakumbula ayi, “Ntoolengesha ayi bulemu bwangu boonse bwiinde panembo lyako, alimwi ntoobanda pameenso ako liina lyangu lisalalite ayi Mwaami Lesa. Nebo ndime Mwaami Lesa alimwi ndabonesha lulekelelo alimwi ankuumbu kubaabo mboonsuni.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.