Bene Ebulu 2:3 - Baibo Busansulushi Bwa Libuku Ili

³ Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Bene Ebulu 2:3 Referans Kwoze

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Bene Loma 2:3

Sombi webo omweensuma, shintu sheenka ishi nshoopetawo babyo milandu, awebo omwiine nshoocita. Sa utooyeeya ayi webo ulaakuyuba mulandu wakwe Lesa?

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Milimo ya Batumwi 4:12

Lupulusho lulacanikabo muli nguwe eenka mukwiinga taaku liina alimwi mucishi ca panshi Lesa ndyaakapa ayi inga twapulukilaamo.”

Esekelo 17:15

Sombi mwaami wa bene Juda lakwe wakaashuka akutuma beshikumwiimikanina kuIjipiti kuya mukuleta maaki alikoto lya bashilumamba linene. Sa muntu uyu ulaakuswitilila? Sa uyo weenga wacita sha mushobo uyo inga wapuluka? Sa inga wakonsha kupwaya cipangano amana wapuluka?’

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Luka 1:2

Bakalemba kweelana ambotwakalwiitikwa kubaabo bakabona shintu ishi ameenso kuswa kumatalikilo, abo bakalinga mbobeshikushimikila Makani Abotu.

Ciyubululo 7:10

Bakoolobesha ayi, “Lupulusho lulaswa kuli Lesa wesu ushiite pacuuna ca bwaami alimwi akuMwanaambelele!”

Taitasi 2:11

Ceebo Lesa wakayubulula luse lwakwe ayi bantu boonse bapulushikwe.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

Mateyo 23:33

Mwebo nobana bansoka, nobana bampili! Ino mulaakuyuba buyani mulilo utamaani?

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Milimo ya Batumwi 1:22

kutalikila kuciindi Joni ndyaakalinga kushimikila shakubombekwa, kushikila pabushiku ubo Jesu ndyaakakushikwa pali ndiswe akutolwa kwiculu. Uyo abe kamboni pantu pomwi aswebo akushimikila ayi Jesu wakabuka kuswa kubafu.”

Joni 15:27

Amwebo muli bakamboni bangu mukwiinga mwekala anebo kuswa kumatalikilo.

Luka 24:19

Jesu wakeepusha alimwi ayi, “Nshintunshi?” Lyalo bakamukumbula ayi, “Isho shakacitika kuli Jesu wa kuNasaleti. Uyo muntu wakalinga mulaluki wakalinga kucita akwaamba shintu shikankamika pameenso akwe Lesa abantu boonse.

Maako 1:14

Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Esekelo 17:18

Mwaami wa bene Juda wakapwaya kushomesha cakulumbila kwakwe acipangano ico ncaakapanga ayi ulaakucilama. Wakacita shintu ishi shoonse aboobo teshi akapulukewo, sobwe.’

Isaya 51:8

Balaakunyonyookabo anga ncakufwala calikwa muswa. Sombi lupulusho lwangu ndwalyoonse alyoonse alimwi kufuna kwangu teshi kukeelebo waawo peenka, sobwe.”

Isaya 20:6

Ciindi ico caakushikila bantu abo bekala muloombe lwa lweenge umu balaakwaamba ayi, ‘Amubone cacitika kubaabo mbotwalinga kucinkitemo manungo, ee, abo mbotwalinga kucicilaako ayi batucaafwe akutufuna kuswa kumwaami wa bene Asilya! Ono bulya inga twapuluka buyani?’ ”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

Bene Ebulu 1:1

Kale kale, Lesa wakalinga kwaamba kubamashali besu bakulukulu mankanda aanji alimwi amunshila shipusenepusene, kwiinda mubalaluki bakulukulu.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Joni 1:1

Tutoomulembela shaLiswi lipa buumi, ilyo lyakalingaako kuswa kumatalikilo. Twakalinyumfwa akulibona ameenso esu. Ee, twakalibona alimwi maanseesu akalicata.

Judi 1:17

Sombi nomusunikwi, amwiibaluke maswi akamulwiita batumwi ba Mwaami Jesu Klistu kale kale.