Amosi 8:4 - Baibo Busansulushi Bwa Libuku Ili

⁴ Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Amosi 8:4 Referans Kwoze

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 140:12

NoBaami baLesa, ndishi kwaamba ayi mulafuninina bakandu, akwiimikanina bataaku mbobabete ayi batanyengelelwi.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Jemusi 5:6

Mwapa mulandu akucaya bantu batacite milandu alimwi tabamupikishi.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Amosi 7:16

Ono bulya kutika Mwaami Lesa mbwaatokwaamba. Webo waamba ayi, ‘Utanoolalukila bene Isilaeli, ee, ayi cileke kushimikila bamulunyungu lwakwe Isaki.’

Jelemiya 28:15

Mpomunyaawo nebo neJelemiya ndakaambila Ananiya mulaluki ulya ayi, “Nyumfwa webo Ananiya! Mwaami Lesa taakwe kukutumaawo, sobwe. Sombi webo walengesha bantu aba kushoma makani abubeshi.

Isaya 28:14

Anu amukutike maswi a Mwaami Lesa mwebo nobeshikucelebula, ee, mwebo nomulela bantu aba muJelusalemu.

Isaya 1:10

Nobene Jelusalemu, amukutike shitokwaamba Mwaami Lesa. Amukutike mwebo nobaleli nomuli anga mbaleli bene Sodoma aGomola, ee, nobantu nomuli anga mbene Sodoma aGomola.

Kulumbaisha 56:1

NobaLesa amunyumfwile nkumbu ceebo balwani bangu batooya cintandaanya. Lilaya mukwipila balampensha.

Jobo 24:4

Balashindika bakandu ayi baswe mumikwakwa. Ico cilabalengesha kuya mukuyuba nabi kabatasuni.

Esekelo 45:10

“Muntu uli woonse ulyeelete kusebensesha shipimo sheelete.

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Kulumbaisha 10:7

Mumilomo yabo muliswitebo mashingo, bubeshi alimwi akukonga. Ee, kupilinganya abubi shilaswa mumilomo yabo.

Esekelo 22:12

Muli ndiwe bamwi bantu balatambula makulo kwaamba ayi bacaye bantunyinaabo. Bamwi balasesa cinyona mucila pankongole nshebapa bene Isilaelinyinaabo. Bamwi balacana mpindu akubila ceebo cakucenjeeka babyaabo. Ncakwiila bantu abo banduba nebo neLesa. Nebo neMwaami Lesa Shinkusu shoonse ndaamba.

Mika 3:3

Mulalya bantu bangu, kufunda shipaya shabo, kupwayoola shifuwa shabo akutimboola anga ninyama yakuteleka mumupika.

Sekaliya 5:6

Mpeeke ndakamwiipusha ayi, “Ino nciinshi?” Alakwe wakankumbula ayi, “Ngumutaanga wakupimishaako uyo utokwiimikanina shibiibi sha mucishi coonse.”