Amosi 8:13 - Baibo Busansulushi Bwa Libuku Ili

¹³ “Pabushiku bweenka ubo bamyooye babotu abacikula bwangu basankwa bayumu, balaakunoowisooka ceebo ca nyotwa.

Amosi 8:13 Referans Kwoze

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Sekaliya 9:17

Cabota cishi nceeci mwebo! Basankwa bacikula bwangu balaakushimpa kushili anga ngamaila abalo bamyooye balaakunooboneka kabotu kuwaini upya.

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Jelemiya 48:18

Mwebo nomwikala kuDiboni amuseluke muswe pashuuna shanu sha bulemu akwikala panshi payumu nta. Uyo weshi akanyonyoole Moabu ulaakwisa mukumulwana amwebo akunyonyoola mandabala anu acite malinga.

Isaya 40:30

Amubone, nabi bacikula bwangu balakopoka. Ncakwiila nabi bacikula bwangu basankwa balalisuntula akuwa.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’