Amosi 7:15 - Baibo Busansulushi Bwa Libuku Ili

¹⁵ Sombi Mwaami Lesa wakankusha kumulimo wangu wa bweembeshi akundwiita ayi, ‘Koya ukalalukile bantu bangu bene Isilaeli.’

Amosi 7:15 Referans Kwoze

2 Samwelo 7:8

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Jelemiya 1:7

Sombi Mwaami Lesa wakankumbula ayi, “Utaambi ayi ucili mwanike. Sombi ulyeelete kuya kubantu abo mbondakutumako mukubalwiita shoonse nsheenga ndakulwiita.

Milimo ya Batumwi 5:20

“Kamuya muŊanda yakwe Lesa mukalwiite bantu shintu shoonse shabuumi ubu bupya.”

Milimo ya Batumwi 4:20

Mukwiinga swebo inga tatucilekiiwo kwaamba shintu nshetwakalinga kubona akunyumfwa sobeene.”

Milimo ya Batumwi 1:8

Sombi mulaakutambula nkusu na Mushimu Usalashi ukese pali ndimwe. Lyalo mulaakuba bakamboni bangu muJelusalemu, muJudeya moonse alimwi amuSamaliya kushikila amucishi coonse ca panshi.”

1 Samwelo 10:11

Mpeeke bantu bakalinga kumwishi lyoonse ndibakamubona kaacita boobo bakeepushanya ayi, “Ino nciinshi cacitika kumwanaakwe Kishi? Sa Saulo alakwe waba mulaluki?”

Jelemiya 26:12

Mpomunyaawo nebo neJelemiya ndakaambila bacinenenene boonse alimwi abantu boonse ayi, “Mwaami Lesa ngowakantuma ayi nse ndaluke shoonse nshemwanyumfwa paŊanda yakwe ino alimwi apandabala ino.

1 Baami 19:19

Elija wakaya wacana Elisha mwanaakwe Shafati kaalima aŋombe. Kwakalinga shipani likumi acomwi panembo lyakwe. Lakwe wakalinga kulima acipani cakweelaako. Elija wakafuula cakufwala cakwe ca peculu akufwalika Elisha.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?