Amosi 7:14 - Baibo Busansulushi Bwa Libuku Ili

¹⁴ Amosi wakakumbula ayi, “Nebo nshiishi mulaluki uyo ucana shakulya mukulaluka. Nebo ndakalinga mweembeshi alimwi ndakalinga kulima shisamu sha nkuyu.

Amosi 7:14 Referans Kwoze

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Sekaliya 13:5

Ulaakwaamba ayi, ‘Nebo nshiishi mulaluki. Ndi mulimi. Ncakwiila buumi bwangu boonse ndabucana mukulima.’

2 Baami 4:38

Ono kunembo mucishi coonse ndimwakaba nsala, Elisha wakaboolela kuGilugala. Mpeeke ndyaakalinga kwiisha balaluki, wakaambila musebenshi wakwe ayi abike nongo inene pamulilo akuteleka musushi wa nyama kwaamba ayi balye.

2 Baami 2:5

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Baami 2:3

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

1 Bene Kolinto 1:27

Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu.

2 Makani 20:34

Shintu shoonse shimwi shakacita Jeoshafati mubwaami bwakwe kuswa kumatalikilo kushikila kumeelelesho, shililembetwe mulibuku lyakwe Jewu mwanaakwe Anani. Libuku ili ncipansha ca libuku lya buumi bwa bamaami ba bene Isilaeli.

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

2 Baami 6:1

Bumwi bushiku likoto lya balaluki abo Elisha mbwaakalinga kweendelesha bakatongooka kuli nguwe ayi, “Musena ngotwikalaawo amwebo waceya abuumbi!

2 Baami 2:7

Likoto lya balaluki bakalinga makumi osanwe bakabakonkela kuMulonga wa Joodani. Mpeeke Elija aElisha ndibakeemikana pafwaafwi aMulonga wa Joodani, balaluki abo abalo bakeemikana palaaleeko.

1 Baami 20:35

Ono kwiinda mukutumwa kuMwaami Lesa, umwi pakati ka balaluki wakaambila mulalukinyina ayi, “Ngume!” Sombi lakwe wakakaka.

1 Samwelo 10:11

Mpeeke bantu bakalinga kumwishi lyoonse ndibakamubona kaacita boobo bakeepushanya ayi, “Ino nciinshi cacitika kumwanaakwe Kishi? Sa Saulo alakwe waba mulaluki?”

1 Baami 19:19

Elija wakaya wacana Elisha mwanaakwe Shafati kaalima aŋombe. Kwakalinga shipani likumi acomwi panembo lyakwe. Lakwe wakalinga kulima acipani cakweelaako. Elija wakafuula cakufwala cakwe ca peculu akufwalika Elisha.

2 Baami 2:15

Balaluki abo bakalinga makumi osanwe bakaswa kuJeliko bakamubona akwaamba ayi, “Nkusu shakwe Elija shesa kuli Elisha!” Bakaya bamukumanya, bamufukamina

Jobo 30:4

Bakalinga kunoosepabo shisepo sha muluundu, akunoolya miyanda ya bafuute itacitewo amise.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?