Amosi 7:12 - Baibo Busansulushi Bwa Libuku Ili

¹² Lyalo Amasiya wakaambila Amosi ayi, “Swaamo muno webo omulaluki! Boolela kucishi ca Juda. Koya ukanoolalukila nkuko akunoolicanina shakulya nkomunya uko.

Amosi 7:12 Referans Kwoze

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.

Mateyo 8:34

Mpeeke boonse bantu bakayoboloka kuswa kundabala mukukumana aJesu. Ndibakamubona, bakamukombelela ayi aswe mucishi cabo.

1 Samwelo 9:9

Ono paciindi ico muIsilaeli, mulaluki wakalinga kwiitwa ayi shikubona. Aboobo muntu wayanda kuya mukwiipusha Lesa mwiipusho, wakalinga kwaamba ayi, “Tiya tukabone shikubona.”

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

Milimo ya Batumwi 16:39

Mpomunyaawo boomboloshi bakaya mukulilekelela kuli mbabo. Lyalo bakabakusha muntolongo akubasenga ayi basweemo mundabala inene iyo.

Luka 13:31

Paciindi ceenka ico baFalisi bamwi bakesa kuli Jesu akumwaambila ayi, “Amusweeko kuno, muye kumusena umwi mukwiinga Elodi utooyanda kumucaya.”

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Amosi 2:12

“Sombi mwebo mwakalengesha baNasili kunwa waini alimwi akukasha balaluki kulaluka.

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

2 Makani 16:10

Ici cakakalasha Asa abuumbi cakwaamba ayi mulaluki uyo wakamwaanga akumubika muntolongo. Ici cakalinga nceciindi Asa ndyaakatalika kupensha bantu bamwi calunkutwe.

1 Samwelo 2:36

Uyo woonse wamulunyungu lwako weshi akapuluke ulaakunooya kumupailishi uyo mukusenga maali ashakulya. Ulaakusenga ayi asuminishikwe kucafwa mupailishi kwaamba ayi anoocanako cakulya.”

Amosi 7:11

Amosi utokwaamba ayi, ‘Jeloboamu ulaakufwa munkondo. Abalo bene Isilaeli balaakutolwa busha kuswa mucishi cinebo.’ ”