Amosi 5:6 - Baibo Busansulushi Bwa Libuku Ili

⁶ Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Amosi 5:6 Referans Kwoze

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Amosi 5:14

Kamuyandoola shibotu kuteshi shibiibi kwaamba ayi mwikale ciindi cilaamfu. Lyalo Mwaami Lesa Shinkusu shoonse ulaakunooli amwebo bweenka mbomwaamba lyoonse ayi tuli akwe.

Amosi 5:4

Mwaami Lesa waamba kubene Isilaeli ayi, “Amunangoole, lyalo mulaakuba abuumi.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Amosi 6:6

Mwebo mulanwa mbale shiinji sha waini akunana mafuta eendaawo kubota. Sombi tamuungumani pakunyonyooka kwa cishi ca Isilaeli.

Esekelo 37:19

Webo ubalwiite ayi nebo neMwaami Lesa ndaamba ayi, ‘Ndaakubwesa kasamu ka mukowa wakwe Josefu ako kali mumaansaakwe Efuleemu pantu pomwi abene Isilaeli abo banyumfwanaakwe akukanunganya kukasamu ka mukowa wakwe Juda ayi tube kasamu komwi ako keshi kakanooli mumaansaangu.

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Isaya 1:31

Ono bweenka kalilo kaniini mbokatenta bwiisu buyumu, mbweeke ubo beshinkusu mbweshi bakanyonyoolwe kububi bwabo. Ndushinisho taaku weshi akakonshe kumanisha kunyonyooka kwabo.

1 Baami 11:28

Jeloboamu wakalinga musankwa ushimpite. Solomoni wakabona kwaamba ayi Jeloboamu wakalinga kusebensa ankusu. Aboobo wakamubika kukweendelesha beshicibalu boonse mucishi ca bene Manase alimwi abene Efuleemu.

2 Samwelo 19:20

Nebo nemusebenshi wanu ndeshiiba kwaamba ayi ndakabisha. Paceebo ceeco, nkambo nobaami bangu, ncendabeta mutaanshi kwisa mukumukumanya kuswa kumikowa ya kumatwa.”

Joshuwa 18:5

Mulyeelete kwaabanya cishi mushipansha shili shosanwe ashobilo. Bene Juda balyeelete kucaala mweenka mucishi cabo kulubasu lwakumalenge, abalo bamulunyungu lwakwe Josefu mucishi cabo ca kulubasu lwakumatwa.

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Kulonga 22:6

“Na muntu watenta mumuunda wakwe, ono mulilo wakomena ceebo ca myuumfwa ya mweela muunda, akuya mukutenta shakulya shili pacifufu nabi shakulya shitana kutebulwa nabi shintu shimwi shoonse mumuunda wa muntu umwi, uyo watenta ulyeelete kulipila pashakulya shanyonyooka.

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

2 Makani 34:25

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Kulumbaisha 69:33

Mwaami Lesa ulakutika kusenga kwa baabo bapengete, alimwi taaluubi baabo bali muntolongo.

Jelemiya 38:20

Mpomunyaawo nebo neJelemiya ndakakumbula ayi, “Teshi bakamwaabeewo mumaansaabo, sobwe. Mwebo amunyumfwilebo Mwaami Lesa mukucita nsheentoomulwiita. Lyalo shintu shilaakumweendela kabotu alimwi teshi mukacaikweewo.

Esekelo 21:3

akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.