Amosi 4:9 - Baibo Busansulushi Bwa Libuku Ili

⁹ “Kwashiindi shiinji mumyuunda yanu imwi aya minyansa ndakeeletela muuwo ulungula akuyumya shishango. Cisoshi cakalya shisamu shanu sha nkuyu asha maolifi. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 4:9 Referans Kwoze

Agayi 2:17

Ndakanyonyoola milimo yanu ndindakayumya shishango shanu mukutuma muuwo uyoosha amfuula ya mabwe, sombi mwebo tamukwe kusanduka kuswa kushibiibi shanu.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.

Jowelo 1:4

Shishango shakacaala kucisoshi cimwi, nsoshi shinene shakesa mukushilya. Shishango shakacaala kunsoshi shinene, twana twa nsoshi twakesa mukushilya. Shishango shakacaala kutwana twa nsoshi, Nsoshi shimwibo shakesa mukushilya.

Amosi 4:6

“Ndime ndakaleta nsala mundabala inene yomwi ayomwi, ee, ndime ndakalengesha ndabala yomwi ayomwi kubula cakulya. Sombi mwebo tamukwe kusandukilawo kuli ndime.

Amosi 4:8

Bantu bakalinga kuya citalantanta kuswa kundabala yomwi tibili akuimwi kuya ciyandoola maanshi akunwa. Nakubi boobo tabakwe kucanaako maanshi akwana kunwa. Sombi mwebo tamukwe kusandukilawo kuli ndime. Nebo neMwaami Lesa ndaamba.”

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Jowelo 1:7

Canyonyoola shisamu shesu sha minyansa akulya shisamu shesu sha nkuyu. Shalya mapapu oonse a shisamu shesu sha minyansa kushikila misampi yoonse yacaalabo tuu.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

2 Makani 6:28

“Na muli nsala mucishi, mwaalu, nabi shishango shayuma kumuuwo ulungula na kulikwa kucisoshi, na bantu banu balwanikwa kubalwani babo, nabi na kwaba malwashi apusenepusene pakati kabo,

1 Baami 8:37

“Na muli nsala mucishi, mwaalu, nabi shishango shayuma kumuuwo ulungula na kulikwa kucisoshi, na bantu banu balwanikwa kubalwani babo, nabi na kwaba malwashi apusenepusene pakati kabo,

Dutolonomi 28:42

Shisamu shanu alimwi ashishango shanu shoonse shilaakulikwa nsoshi.

Isaya 50:11

Sombi mwebo noonse nomukunka mililo akulinyanshila shimunimweenge kamweenda mumumuni wa mililo yanu awa shimunimweenge nshemwakalinyanshila. Mwaami Lesa ulaakulengesha mapensho kumucitikila, ncakwiila mulaakuba mumapensho ayoosha.

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Osiya 11:5

“Bakakaka kusandukila kuli ndime, aboobo balyeelete kuboolela kuIjipiti alimwi bene Asilya balaakunoobalela.

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.