Amosi 2:7 - Baibo Busansulushi Bwa Libuku Ili

⁷ Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Amosi 2:7 Referans Kwoze

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Esekelo 22:11

Muli ndiwe muli bantu bamwi bacita shintu shilensha bunya abamukashikamukobonyinaabo, bamwi balacita cintu cilensha nsoni cakukumana abamalokashi babo, abalo bamwi balakumana abamanankashi shabo abo mbobapusenebo kubamanyinawabo, sombi ishiwabo ngomwibo.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

1 Bene Kolinto 5:1

Ono ntoonyumfwa kwaamba ayi kuli cikololo ciyoosha citoocitika pakati kanu ico bakunsengwe ncebatakoonshi kucita. Citokwaambwa ayi musankwa utokoona abanyina bakamucanaamo.

Mika 2:9

Mulatandaanya banakashi ba bantu bangu, ee, kubatandaanya kuswa mumaandaabo abotu. Mulaakukusha coolwe cangu pabana babo ayi bacibuule kwalyoonse alyoonse.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Bene Loma 2:24

Cililembetwe muMalembo akwe Lesa ayi, “Ceebo ca ndimwe nobaJuda, baswamashi bakunsengwe balacobola Lesa.”

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Amosi 8:4

Amosi wakaamba ayi, “Amunyumfwe mwebo nomulyatilila bapengete akunyonyoola bakandu mucishi cabo.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Esekelo 36:20

Koonse uko nkobakalinga kuya pakati ka mishobo imwi, bakasebaanya liina lyangu lisalalite ceebo bantu bakalinga kubaamba ayi, ‘Aba mbobantu ba Mwaami Lesa, nakubi boobo bakatandwa kucishi cakwe.’

Tushimpi 28:21

Ncibiibi kuba akasalulushi, sombi muntu ulakonsha kubisha ceebobo cakuyanda kucana kakulya nakaceyi.

1 Baami 21:4

Lyalo Aabu wakaya kumishaabo kaalisukeme alimwi kaaungumene abuumbi. Wakakalala abuumbi pamakani ayo Naboti mwine Jesiliilu ngaakaamba kuli nguwe. Wakashika woona pabulo bwakwe, walanga kulubumbu akukaka kulya.

2 Samwelo 12:14

Nakubi boobo, ceebo cakwaamba ayi wanyansha Mwaami Lesa, mwaana musankwa ngoocitileemo utoofwa.”

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 18:15

“Utakumani amulokashi wako ceebo ngumuka mwanaako. Aboobo utakumani akwe.

Bene Lefi 18:8

“Utasebaanyi baiso kwiinda mukukumana abakaabo bamwi.

Osiya 4:14

Nakubi boobo teshi nkape mulandu bana banu banakashi ndibaya cicita bufuule, nabi kupa mulandu bamalokashi banu ndibaya cicita bulale mukwiinga mwebo nobeene mulaya cicita bulale akubenga milambu abafuule ba kushipaililo sha bakunsengwe. Ncakwiila bantu batacite maano balaakunyonyooka.

Bene Lefi 18:21

“Utabengi mwanaako musankwa uli woonse ayi ngumulambu kuli lesa wiitwa ayi Moleki, ceebo uko nkucobola liina lyangu neLesa. Ndime Mwaami Lesa.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 10:1

Mapensho kuli baabo bapanga milawo italuleme, ee, milasho yakulyatilila bantu bangu.

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.