Amosi 1:6 - Baibo Busansulushi Bwa Libuku Ili

⁶ Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.

Amosi 1:6 Referans Kwoze

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

2 Makani 28:18

Bene Filisiti abalo bakaya mukulwana mandabala a mutulundu alimwi amuNegefu kuJuda. Bakaya bakoma ndabala ya Beti Shemeshi, Aijaloni, Gedeloti, Soko, Timina alimwi aya Gimuso pantu pomwi amishi yakalinga kwaashingulukite. Lyalo bakekalaamo.

Obadiya 1:11

Pabushiku ubo mwakeenkemanabo palubasu akuleka balwani babo kabababwesela bubile. Baswamashi abo ndyebakenjila muminjililo yabo akunokuuma cisolo ayi babaane Jelusalemu. Amwebo mwakeelanabo ambabo kubica.

Amosi 1:9

Mwaami Lesa waamba ayi, “Bene Taya bakalinga kubisha lyobilo lyobilo, aboobo ndushinisho ndaakubapa mulandu. Bakoolisha mishobo ya bantu yoonse mubusha kubene Edomu. Ncakwiila tabakwe kuyeeyawo cipangano cakunyumfwana.

1 Samwelo 6:17

Bene Filisiti bakatumya shuute sha golodi shili shosanwe ayi comwi acomwi ciimikanine ndabala inene ya Ashidodi, Gasa, Ashikeloni, Gati aya Ekiloni.

Jowelo 3:6

Mwakabwesa bantu bene Juda abene Jelusalemu ayi mubatume kulaale acishi cabo akuboolisha kubaGiliki.

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Sekaliya 9:5

Mwaami Lesa waamba ayi, “Bene Ashikeloni balaakucibona akuloonda. Bene Gasa balaakunoosalookabo kumyoyo kucisa. Abalo bene Ekiloni balaakunoocita bweenka ubo ceebo kulangila kwabo kwashimingana. Ncakwiila bene Gasa balaakubula mwaami. Ndabala ya Ashikeloni ilaakucaalabo kwakubula bantu.

Amosi 1:3

Mwaami Lesa waamba ayi, “Bene Damasikasi bakalinga kubisha lyobilo lyobilo, aboobo ndushinisho ndaakubapa mulandu. Bakacita shintu shalunkutwe kubene Gilyadi.

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Milimo ya Batumwi 8:26

Ono munjelo wa Mwaami Lesa wakaambila Filipo ayi, “Nyamuka uye kumalenge, munshila iswa kuJelusalemu kuya kuGasa.” (Nshila iyi tabeendiimo bantu shinoonshiku.)

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Amosi 1:7

Ndaakutuma mulilo palubumbu lwa ndabala ya Gasa akutenta shiyubilo sha njiyo.