Amosi 1:13 - Baibo Busansulushi Bwa Libuku Ili

¹³ Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Amosi 1:13 Referans Kwoze

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Esekelo 35:10

“ ‘Webo wakalinga kwaamba ayi mishobo yobilo iyi, Juda aIsilaeli, pantu pomwi ashishi sha njiyo shilaakuba sheesu. Ncakwiila tulaakushibwesa, nakubi kwaamba ayi nebo neMwaami Lesa ndi Lesa wabo.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Amosi 1:3

Mwaami Lesa waamba ayi, “Bene Damasikasi bakalinga kubisha lyobilo lyobilo, aboobo ndushinisho ndaakubapa mulandu. Bakacita shintu shalunkutwe kubene Gilyadi.

Esekelo 21:28

“Ono webo omuntu, laluka akwaambila bene Amoni isho nebo neMwaami Lesa Shinkusu shoonse nshentokwaamba. Nebo ntokwaamba ayi, ‘Mupeeni, mupeeni, wasomwetwa kucaya, wafulwa ayi unyonyoole akubekabeka anga nkubeka kwa mfula!

Neyemiya 2:19

Sombi Sanibalati mwine Beti Oloni, Tobiya wacinenenene wa mucishi ca Amoni aGeshemu mwine Alabu, ndibakanyumfwa makani aya, bakatuseka akutuweluluka ayi, “Ono nciinshi ici ncemutoocita? Sa mulisuni kwaashukila mwaami?”

2 Makani 20:10

“Ono bulya bene Amoni, bene Moabu abene Edomu besa mukutulwana. Bamashali besu bakulukulu ndibakalinga kuswa muIjipiti, mwakabakasha kulwana shishi ishi. Aboobo bakabaseesha alimwi tabakwe kubanyonyoola.

2 Makani 20:1

Ndipakeenda ciindi bashilumamba bene Moabu alimwi abene Amoni pantu pomwi abene Meyunimu bamwi bakaya mukulwana bene Juda.

2 Baami 24:2

Kuswawaawo Mwaami Lesa wakatuma bashilumamba baanji bene Babiloni, Silya, Moabu alimwi abene Amoni mukulwana Jeoiyakimu. Wakacita boobo kwaamba ayi banyonyoole cishi ca Juda kweelana abwakaamba Mwaami Lesa kwiinda mubalaluki basebenshi bakwe.

Dutolonomi 2:19

Lyalo mutooba pafwaafwi acishi ca bene Amoli. Mutabapenshi nabi kubasumuna lwa nkondo, ceebo teshi nkamupeewo musena nauceyi mucishi cabo. Cishi ico ndakacipa bamulunyungu lwakwe Loti.’ ”

Kulumbaisha 83:7

bene Gebali, bene Amoni, bene Amaleki, bene Filisiti abantu ba kuTaya.

2 Baami 15:16

Bweenka Menaemu mbwaakeenda kuswa kuTesa wakanyonyoola ndabala ya Tapuwa abantu bakooko alimwi acishi coonse cishingulukite. Wakacita boobo mukwiinga bantu bakakaka kulyaaba mumaansaakwe. Wakapasoola banakashi bakalinga kucite mafumo.

Jelemiya 25:21

bene Edomu, bene Moabu, bene Amoni,

2 Samwelo 12:31

Bantu ba mumo wakabapa ncito yakusebensesha shakutimbusha mapulanga, mase, tweembe akubakakatisha kunokuuma ncelwa. Wakacita bweenka ubo akumandabala amwi a bene Amoni. Lyalo lakwe abashilumamba bakwe bakaboolela kuJelusalemu.

2 Baami 8:12

Asayelo wakeepusha ayi, “Ino nkambo mutoolilanshi?” Elisha wakakumbula ayi, “Mukwiinga ndishi shintu shiyoosha nsheshi ukacite kubene Isilaeli. Ulaakutenta misena yabo icite malinga, kucaya basankwa bacikula bwangu kumipeeni, kupwaya bana babo bakateta panshi akupasoola banakashi bacite mafumo.”

Esekelo 25:1

Mpeeke Mwaami Lesa wakaŋambila ayi,

Osiya 14:1

Nobene Isilaeli, amusandukile kuMwaami Lesa, Lesa wanu. Shibiibi shanu nsheshamulengesha kuwa.