Abakuku 3:8 - Baibo Busansulushi Bwa Libuku Ili

⁸ NoBaami baLesa, sa njiimilonga yakamukalasha? Sa ndweenge lwakamulengesha kukalala? Ncakwiila mwebo mwakeendela mumakumbi, likumbi lya mfula lyakaba ncecikoci canu ndimwakalengesha bantu banu kukoma.

Abakuku 3:8 Referans Kwoze

Kulumbaisha 68:17

Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Kulumbaisha 114:5

Webo olweenge, ceebonshi wakayuma? Awebo Joodani wakaboolelanshi pesule?

Kulumbaisha 114:3

Lweenge Lusalala ndilwakababona lwakayuma. Awalo Mulonga wa Joodani wakaboola pesule.

Kulumbaisha 18:10

Wakalinga kuya buuluka kaatantite pamukelebu. Cipuupu cakalinga ngomapapaminwa akuulukishaako.

Maako 4:39

Jesu wakabuka akukalalila cipuupu amaaba ayi, “Umuna! Cileke kupuupa!” Muuwo wakacileka kupuupa, lyalo kwakaboolabo tontolo.

Abakuku 3:15

Mwebo mwakalyatooka lweenge amaaki anu. Aalo maanshi ayo acite nkusu akatukuka lyoofu.

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Kulumbaisha 104:3

Mwakayaka ŋanda yanu peculu lya maanshi a kwiculu. Mulasebensesha makumbi anga shikoci shanu sha nkondo. Muleendela pamapapaminwa a muuwo.

Kulumbaisha 68:4

Amwiimbile Lesa, mwiimbe nyimbo shakulumbaisha liina lyakwe. Amwiimbishe kulumbaisha wooyo weendela pamakumbi, liina lyakwe nguMwaami Lesa, amusangalale pameenso akwe!

Ciyubululo 19:14

Bashilumamba boonse ba kwiculu bakamukonkela kabatantite pamaaki atuba, kabafwete shakufwala shiteshimite shituba tuu.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Ciyubululo 16:12

Alakwe munjelo wasanu awomwi wakapukwita shakalinga mumbale yakwe ifongomene paMulonga unene wa Yufuletisi. Mulonga uyu wakayuma kwaamba ayi bamaami ba kwicwe bacane pakwiinda.

Ciyubululo 6:2

Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Kulonga 7:20

Mpeeke Mose aAloni bakacita kweelana abwakabaambila Mwaami Lesa. Pameenso a mwaami Falawo alimwi abacinenenene bakwe, Aloni wakatandabika nkoli yakwe akuyuuma pamaanshi muMulonga wa Nailo. Lyalo maanshi oonse mumulonga akaaluka bulowa.

Kulonga 7:19

Mpomunyaawo Mwaami Lesa wakaambila Mose ayi, “Ambila Aloni anyamune nkoli yakwe akwiitandabika pamilonga yoonse, tulonga twakupanga alimwi amyaala yoonse muIjipiti. Maanshi oonse atokwaaluka bulowa, alimwi mucishi coonse mutooba bulowa, amumankubala alimwi amunongo sha mabwe shoonse.”

Kulonga 14:16

Tandabika nkoli yako palweenge. Maanshi atoopansaana, mpeeke bene Isilaeli batookonsha kweenda mulweenge mutaamu maanshi, muyumu nta.

Kulumbaisha 77:16

Maanshi ndyaakamubona nobaLesa, maanshi ayo akaloonda. Ncakwiila maanshi alaamfu akatutuma.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.