2 Timoti 4:3 - Baibo Busansulushi Bwa Libuku Ili

³ Ciindi cilaakushikila bantu ndyeshi bakakake kunyumfwa kwiisha kwalushinisho, sombi balaakukonkela shiyanda myoyo yabo kwiinda mukulibunganishisha bafundishi baanji abo beshi bakanokwaamba nshebasuni kunyumfwa.

2 Timoti 4:3 Referans Kwoze

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

Bene Galatiya 4:16

Sa ono ndaba mulwani wanu mukwiinga ndamulwiita shalushinisho?

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Luka 6:26

“Mapensho kuli ndimwe noonse nomwaambwa kuba kabotu kubantu boonse mukwiinga bweenka ubo bamashali babo bakulukulu mbobakalinga kucita kubalaluki babeshi.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Joni 8:45

Sombi nebo ndaamba shalushinisho paceebo ceeco tamusuni kunshoma.

1 Baami 18:22

Mpeeke Elija wakaamba ayi, “Nebo ndi mulaluki wa Mwaami Lesa uyo wacaalaawo, sombi pali balaluki bakwe Baali bali 450.

1 Bene Kolinto 2:1

Nobamakwesu, ndindakesa kooko mukushimikila makani abushishi akwe Lesa, nshikwe kusebensesha maswi ayumu alimwi akulitondesha busongo.

Milimo ya Batumwi 17:21

Mukwiinga bantu boonse ba kuAtenisi alimwi abaswamashi mundabala inene umo lyoonse bakalinga kusunibo kwaamba akukutika kumakani apya.)

Jelemiya 29:8

Ee, Mwaami Lesa Shinkusu shoonse, Lesa wa bene Isilaeli waamba ayi, ‘Mutasuminishi balaluki nabi bamukamwaami bali pakati kanu kumubeca. Mutakutiki kumaloto abo ayo ngomubayuminisha ayi kababaawo.

Isaya 28:12

Ceebo ngondimwe ngwaakaambila ayi, “Anooyu musena wakookesheshaamo, abo balemete abese bookeshe mumusena uyu.” Sombi mwebo mwakakaka kumunyumfwila.

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

1 Bene Kolinto 2:4

Ndindakalinga kwaamba nabi kushimikila nshikwe kusebensesha maswi a busongo bwa buntu, sombi ndakatondesha nkusu sha Mushimu Usalashi.

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

1 Baami 22:18

Mpomunyaawo Aabu wakaambila Jeoshafati ayi, “Sa nshikwe kukulwiita ayi uyu taalalukiwo shibotu pali ndime? Lyoonse ulalalukabo sheenka shibiibi!”

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

Kulonga 32:33

Alakwe Mwaami Lesa wakamukumbula ayi, “Ngameena a bantu abo bambishisha ngweshi nkakushe mulibuku lyangu.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

2 Timoti 1:13

Catisha kukonkela maswi alushinisho ayo ngondakakwiisha kwaamba ayi abe citondesho cakukonkela. Kocita boobo mulushomo alusuno ulo ndotucite muli Klistu Jesu.

Judi 1:18

Bakamulwiita ayi, “Munshiku shakweelaako, kulaakuba bantu beshibakanoomuseka akukonkela shibiibi shiyanda mibili yabo.”