2 Timoti 4:14 - Baibo Busansulushi Bwa Libuku Ili

¹⁴ Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

2 Timoti 4:14 Referans Kwoze

1 Timoti 1:20

Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Kulumbaisha 28:4

NobaLesa amubalambule kweelana amicito yabo, ncakwiila kweendelana akubica kwa milimo yabo. Amubacitile kweelana abweelete shintu nshebacita, ee, kubabooshesha cilambu ncebeelete kupekwa.

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Jelemiya 15:15

Lyalo ndakaamba ayi, “NoBaami baLesa mwebo mulanyumfwishisha shintu. Kamunjibaluka akundama. Amumbooshesheeko cishole kubaabo bampensha. Mwebo tamukalali bwaangu, ono mutabaleeki ayi bancaaye. Amuyeeye mbooncobolwa ceebo ca ndimwe.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

2 Samwelo 3:39

Sunu nakubi kwaamba ayi ndime mwaami wakasalwa aMwaami Lesa kwiinda mukunanikwa mafuta, ndalinyumfwa kuuba, alimwi bana bakwe Seluiya aba banjumina abuumbi. Mwaami Lesa aalambule bakapondo aba kweelana amicito yabo ibiibi!”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 6:10

Yakoolobesha ayi, “NoBaami baLesa Beshinkusu shoonse, nomusalalite alimwi balushinisho! Ino mulaakoombolosha lili alimwi akupa mulandu bantu abo bali pacishi ca panshi bakatucaya?”

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

Bene Loma 2:6

Ceebo Lesa ulaakulambula muntu woonse kweelana amilimo yakwe.

2 Timoti 4:15

Awebo ulyeelete kucenjela amuntu uyo ceebo makani ayo ngootushimikila, wakaapikisha abuumbi.

Malilo 3:64

NoBaami baLesa, amubaboosheshe cishole kweelana ambobeelete, ncakwiila kweelana anshebakacita.