2 Timoti 4:10 - Baibo Busansulushi Bwa Libuku Ili

¹⁰ Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

2 Timoti 4:10 Referans Kwoze

2 Timoti 1:15

Ulishi kale kwaamba ayi boonse mucishi ca Esha bakampalangana, pakati kabo pali Figelasi alimwi aEmojenesi.

2 Bene Kolinto 2:13

Nakubi boobo moyo wangu tewakalinga kushiite kabotu ceebo mushomima Taitasi nshikwe kumucanaako uko. Aboobo ndakalasha bwaangu akuya kuMakedoniya.

Milimo ya Batumwi 16:6

Paulo ababye bakeenda munyinsa ya Fuligiya aGalatiya, mukwiinga Mushimu Usalashi wakabakasha kushimikila maswi akwe Lesa mucishi ca Esha.

Filimoni 1:24

Maako, Alisitakasi, Dimasi alimwi aLuka basebenshima abalo bakwaansha.

2 Timoti 4:16

Paciindi ndindakataanguna koomboloshekwa, taaku wakesa mukuncafwaako. Boonse bakampalangana. Lesa abalekelele!

Bene Filipi 2:21

Mukwiinga bamwi baanji balalisukamabo shintu shakulisangalasha beene kutaamba makani akwe Jesu Klistu.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 17:1

Paulo aSailasi bakeenda mundabala ya Amfipolisi aApoloniya akushika kuTesalonika uko kwakalinga coonde ca baJuda.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

Taitasi 1:4

Ntoolembela ndiwe Taitasi omwanaangu wancinencine mulushomo ndotucite. Luse aluumuno shibe awebo kuswa kuli Lesa Ishiwesu aKlistu Jesu Mupulushi wesu.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

Bene Galatiya 1:2

Nebo abeensuma boonse mboondyaabo kuno twamwaansha noshoonde sha kuGalatiya.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

2 Bene Kolinto 8:6

Nceceeco ncetwakalwiitilisha Taitasi ayi ulyeelete kumanishisha mulimo wa luse ngwaakatalika kale pakati kanu.

Milimo ya Batumwi 18:23

Ndyaakekalako nshiku shiniini, wakaswaako akuya kucishi ca Galatiya alimwi aFuligiya, kaaya ciyumyayumya bashomi boonse.

Milimo ya Batumwi 17:13

Sombi baJuda ba muTesalonika ndibakanyumfwa ayi Paulo utooshimikila maswi akwe Lesa muBiliya amwalo, bakayaako akutalika kuyungoola bantu ayi batalike shimfulunganya.

Milimo ya Batumwi 15:38

Sombi Paulo wakayeeya ayi acaalebo mukwiinga kataanshi wakaboolaamo akubashiya muPamfilya, milimo yabo keetana kumana.

Milimo ya Batumwi 13:13

Paulo alimwi abaabo mbwaakalingaabo, bakaswa kuPafosi akutanta mubwaato bunene kuya kundabala ya Pega mucishi ca Pamfilya. Nkomunya uko, Joni Maako wakabashiya, waboolela kuJelusalemu.

Luka 17:32

Amwiibaluke muka Loti!

Luka 16:13

“Taaku musebenshi weenga wasebensela baami bobilo, mukwiinga ulapata umwi akusuna umwi, nabi kunyumfwila umwi akusuula umwi. Nkokwaamba ayi tamukoonshi kusebensela Lesa abuboni.”

Luka 14:33

Amwebo mbocibete bweenka ubo. Nkokwaamba ayi amwebo na mwabula kusuula akushiya shintu shanu shoonse nshemucite, tamukoonshi kuba bashikwiiya bangu.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Mateyo 12:32

Uyo woonse waamba maswi abiibi kuMwanaaMuntu inga walekelelwa. Sombi uyo woonse ucobola Mushimu Usalashi teshi akalekelelwe, bulya nabi ciindi citoosa.”

2 Bene Kolinto 8:23

Ono amwiibaluke kwaamba ayi Taitasi ngumusebenshima alimwi tulasebensela pantu pomwi mukucafwa ndimwe. Bashominyineesu bamwi abo besa anguwe, batookwiimikanina shoonde alimwi mulimo wabo ulaleta bulemu kuli Klistu.