2 Timoti 3:5 - Baibo Busansulushi Bwa Libuku Ili

⁵ bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

2 Timoti 3:5 Referans Kwoze

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Taitasi 1:16

Balaamba ayi Lesa balimwishi, sombi micito yabo ilakaka sheesho nshebaamba. Balafundoosha kumoyo alimwi tabanyumfwili Lesa, aboobo tabeeleli kucita cintu cibotu nabi comwi.

1 Timoti 5:8

Sombi na muntu umwi taasuni kucafwa bamakwabo bunene bunene bamumukowa wakwe mwiine, wakaka lushomo lwakwe alimwi uleendaawo kuluba pamuntu utashomi.

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Taitasi 3:10

Muntu uleta kupansaana palikoto lyanu umucenjeshe mankanda obilo, kuswawaawo umusuule.

2 Timoti 2:16

Koswa kumibandi iteshi ya buLesa alimwi aya buluya, iyo ilengesha bantu kusena kulaale aLesa.

2 Timoti 2:23

Sombi ucileeke kupikishanya kwabuluya alimwi kwakubula lushibo ceebo ulishi ayi kulaletelabo kwaambana.

1 Timoti 6:5

alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

2 Bene Tesalonika 3:6

Ono nobamakwesu, tutoomwaambila muliina lya Mwaami Jesu Klistu ayi abo boonse batolo mulikoto lyanu alimwi batasuni kukonkela nshetwakamwiisha, mubasoonoke.

2 Bene Tesalonika 3:14

Na umwi akake kucita mbotwaamba munkalata njetwatuma iyi, mumulabilile akumusoonoka kwaamba ayi akanyumfwe nsoni.

1 Timoti 4:7

Swaako kushintu isho shili anga ntulabi shitacite ncito. Webo usukamebo kuliisha kwikala kweelana akuyanda kwakwe Lesa.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.