2 Timoti 2:21 - Baibo Busansulushi Bwa Libuku Ili

²¹ Na muntu walisalasha akushiya shintu shitaluleme isho, ulaba mbuli cisebensesho ca ciindi ceelete mukwiinga walyaaba kuMwaami wakwe kwaamba ayi amusebenseshe mumicito ibotu ili yoonse.

2 Timoti 2:21 Referans Kwoze

2 Timoti 3:17

Nkokwaamba ayi muntu utoosebensela Lesa abe wooyo ukonsha kucita micito ibotu ili yoonse.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

2 Timoti 2:20

Muŋanda inene muli mbale shipusenepusene, shimwi nshasilifa shimwi nshagolodi, shimwi nshashisamu shimwi nshabulongo. Shimwi nshaciindi ceelete, shimwi shilasebenseshekwa lyoonse.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Taitasi 3:8

Makani aya ngalushinisho. Ndisuni ayi shintu ishi ushiishe cankusu kwaamba ayi bashoma muli Lesa balibeenge mumicito ibotu, iyo ibotela akucafwa bantu boonse.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

1 Bene Kolinto 5:7

Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

Malaki 3:3

Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.

Taitasi 3:14

Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.

Isaya 1:25

Ndaakukulwana alyaansa lyangu alimwi ndaakukusha bubi boonse buli pakati kako bweenka busalashikwa golodi mumulilo. Lyalo ulaakucaalabo kwakubula kabala.

2 Bene Kolinto 9:8

Lesa ulakonsha kumupa shoolwe shiinji abuumbi ayi lyoonse munoocite shintu shakulicafwa nobeene ashintu shiinji shakucitisha milimo yoonse ibotu.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 2:16

Koswa kumibandi iteshi ya buLesa alimwi aya buluya, iyo ilengesha bantu kusena kulaale aLesa.

2 Timoti 4:11

Luka eenka ngooli anebo. Ukabwese Maako akwisaakwe ceebo ulakonsha kuncafwa mumulimo.