2 Timoti 2:14 - Baibo Busansulushi Bwa Libuku Ili

¹⁴ Ono koibalusha bantu maswi aya, akubacenjesha pameenso akwe Lesa ayi kabataambanini pamaswibo. Tacicafwi, sombi cilakolonganyabo batookutika.

2 Timoti 2:14 Referans Kwoze

2 Timoti 2:23

Sombi ucileeke kupikishanya kwabuluya alimwi kwakubula lushibo ceebo ulishi ayi kulaletelabo kwaambana.

2 Timoti 4:1

Pameenso akwe Lesa aKlistu Jesu, uyo eshi akoomboloshe boomi abafu alimwi ceebo cakwaamba ayi ulaakwisa mubwaami, ntoosenga cankusu ayi

Bene Loma 14:1

Amutambule muntu uyo utana kushoma bunene, sombi mutamupikishi pamiyeeyo yakwe.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

Milimo ya Batumwi 15:24

Twakanyumfwa ayi bamwi bakaswa mulikoto lyesu bakesa mukumupensha akumufulunganya pamakani ngobakaamba kuli ndimwe. Aba bantu tabakwe kupekwa nkusu kuswa kuli ndiswe.

2 Pita 1:13

Ndayeeya ayi ncibotu abuumbi kunoomwiibalusha makani aya kancili muumi.

1 Timoti 6:13

Ono ntookwaambila pameenso akwe Lesa upa buumi shintu shoonse apameenso akwe Klistu Jesu, uyo wakapa bukamboni bubotu pameenso akwe Pontyasi Pilato,

2 Bene Tesalonika 3:6

Ono nobamakwesu, tutoomwaambila muliina lya Mwaami Jesu Klistu ayi abo boonse batolo mulikoto lyanu alimwi batasuni kukonkela nshetwakamwiisha, mubasoonoke.

Jelemiya 7:8

“Sombi amubone, mwebo mwacinka manungo mumaswi akubeca atacite ncito.

1 Samwelo 12:21

Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.

2 Timoti 2:16

Koswa kumibandi iteshi ya buLesa alimwi aya buluya, iyo ilengesha bantu kusena kulaale aLesa.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Galatiya 1:7

Teshi kwaamba ayi kuli makani abotu amwi, sombi kuli bantu bamwi batooyanda kumufulunganya kwiinda mukusendeka Makani Abotu aamba shapali Klistu.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Abakuku 2:18

Anu cibumbwabumbwa cilicite mpindunshi? Sa te ncintubo ico muntu ncaakapanga? Taaku nceenga muntu wacanaako kulekabo bubeshi. Ino nimpindunshi uyo wakacipanga njeenga wacanaako mukucinka manungo muli ncico? Amubone, cibumbwabumbwa ico tacikoonshi kwaamba!

Jelemiya 23:36

Nkokwaamba ayi tamweelete kwaamba maswi akwaamba ayi, ‘Mukuli wa Mwaami Lesa’ ceebo na umwi wacita boobo, ndaakulengesha maswi angu kuba mukuli kuli nguwe. Bantu bakasandula maswi angu neLesa wabo, neLesa muumi, neMwaami Lesa Shinkusu shoonse.

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

2 Timoti 1:6

Paceebo ceeco ntookwiibalusha ayi ubikeko maano kucipo cakakupa Lesa ndindakabika maansa pali ndiwe.

1 Timoti 1:6

Bamwi bakaswa kushintu ishi akukonkela mibandi itacite ncito.

1 Timoti 1:4

Ubalwiite batanoobika maano kutushimi ameena a bamashali bakulukulu ateeli. Ishi shilaletabo kupikishanya kwiinda kusumpula mulimo wakwe Lesa uyo ucitika kwiinda mulushomo.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 2:11

Sa kuliwo mushobo wakakakaawo lesa wa nguwo? Nakubi boobo teshi balesa bancinencine. Sombi bantu bangu bakaka Lesa wabo kwaamba ayi bakonkele balesa bataaku mbobabete.

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.