2 Timoti 1:4 - Baibo Busansulushi Bwa Libuku Ili

⁴ Ndeebaluka kulila kwako alimwi ndisunishi kwisa mukukubona kwaamba ayi nkasangalale abuumbi.

2 Timoti 1:4 Referans Kwoze

2 Timoti 4:9

Elesha cankusu kwisa kuli ndime cakufwambaana,

2 Timoti 4:21

Weeleshe cankusu kwisa mupewo kootana kushikila. Yubulasi, Pudensi, Linasi aKulodyasi bamwaansha pantu pomwi abashomi bamwi boonse.

1 Bene Tesalonika 2:17

Sombi nobamakwesu, nakubi kwaamba ayi twakapansanishikwa amwebo ciindi ciniinibo, kumubili kuteshi mumiyeeyo, kwiinda mukumuyeeya bunene twakeelesha nshila shiinji kwaamba ayi tubonane amwebo alimwi.

Bene Filipi 1:8

Lesa inga wambeta bukamboni kwaamba ayi ndamuyeeya abuumbi mukwiinga ndimusuni amoyo wangu woonse alusuno luli mbuli lwakwe Klistu Jesu mwiine.

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”

1 Joni 1:4

Twalemba makani aya kwaamba ayi kusangalala kwesu kumaninine.

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Loma 1:11

Ceebo ndisunishi ayi tukabonane kwaamba ayi nkabaanaanu bubotu ubo Lesa mbwaapa kwiinda muMushimu wakwe alimwi akumuyumyayumya.

Milimo ya Batumwi 20:31

Anu amucenjele. Kamwiingashila lyoonse ayi ndakapenshekwa abuumbi mashiku amalumwi alimwi nshikwe kucilekaawo kumwiisha noonse mulikoto lyanu kwamyaaka yotatwe.

Milimo ya Batumwi 20:19

Ndakasebensela Mwaami Jesu cakuliceesha abuumbi, cimwi ciindi aminsonshi ceebo ca mapensho akalinga kundetela baJuda.

Joni 16:24

Kushikila asunu, tamuna kusengaawo kale muliina lyangu. Ono kamusenga, munanootambula kwaamba ayi musangalale cancinencine.

Joni 16:22

Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.

Jelemiya 31:13

Bamyooye balaakushana akusangalala. Basankwa bacikula bwangu alimwi abamanene abalo balaakusangalala. Kulila kwabo ndaakukusandula kukabe kusangalala. Ndaakuboombulusha akubasangalasha mumusena wakubapa buumba.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Kulumbaisha 126:5

Bantu abo bashanga kabalila, abatebule kabasangalete abuumbi.