2 Samwelo 5:7 - Baibo Busansulushi Bwa Libuku Ili

⁷ Sombi Defedi wakeekoma akubwesa ndabala ya Siyoni iyo yakalinga mulilinga. Lyalo wakeetumba ayi Ndabala yakwe Defedi.

2 Samwelo 5:7 Referans Kwoze

1 Baami 2:10

Defedi wakafwa akubikwa mundabala inene ya Jelusalemu.

2 Samwelo 6:16

Ono Libokoshi lya Cipangano ca Mwaami Lesa ndilyakalinga kwinjishikwa muNdabala yakwe Defedi, Mikali mwanaakwe Saulo wakalinga kweebela pambwelyo. Lyalo ndyaakabona mwaami Defedi kaashana akusotooka mukulemeka Mwaami Lesa, wakamucima abuumbi mumoyo.

2 Samwelo 6:12

Pesule mwaami Defedi wakalwiitikwa ayi, “Mwaami Lesa wapa coolwe Obedi Edomu ashintu shaakalinga kucite shoonse ceebo ca Libokoshi lya Cipangano.” Lyalo Defedi wakaya walikushaako kuŋanda yakwe Obedi Edomu akulitola muNdabala yakwe Defedi cakusangalala.

Ciyubululo 14:1

Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 59:20

Mwaami Lesa waamba ayi, “Mupulushi ulaakwisa kuSiyoni, ee, kubamulunyungu lwakwe Jakobo basanduka kuswa kushibiibi shabo.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Kulumbaisha 132:13

Mwaami Lesa wakasala Siyoni, kwaamba ayi ŋanda yakwe ibe mumo.

Kulumbaisha 87:2

alimwi ndabala inene ya Siyoni ulisunishi kwiinda musena umwi uli woonse muIsilaeli.

Kulumbaisha 51:18

NobaLesa, amucite shibotu kuli Siyoni ceebo ca nkumbu shanu. Amuyake cipya lubumbu lwa Jelusalemu.

Kulumbaisha 48:12

Nobantu bakwe Lesa amushinguluke ndabala ya Siyoni. Amubelenge maanda alaamfu aliimo.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

2 Makani 24:16

Bakamubika kushuumbwe sha bamaami muNdabala yakwe Defedi ceebo ca shintu shibotu nshaakacitila bene Isilaeli, Lesa aŊanda yakwe.

2 Makani 5:2

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani sha bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, muNdabala yakwe Defedi.

1 Makani 11:7

Defedi wakaya mukwikala mulilinga ilyo, paceebo ceeco bakalitumba ayi Ndabala yakwe Defedi.

1 Baami 8:1

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani ba bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, mundabala yakwe Defedi.

1 Baami 3:1

Solomoni wakapanga bushicibusa aFalawo mwaami wa kuIjipiti kweeba mwanaakwe. Wakamuleta mundabala ya Defedi umo mobakalinga kwikala kushikila ndyaakamanisha kuyaka ŋanda yakwe ya bwaami, Ŋanda yakwe Lesa alubumbu kushinguluka Jelusalemu.

2 Samwelo 6:10

Taakalinga kusuminite kulitola ayi anooli alyo muNdabala yakwe Defedi. Aboobo wakaseesha akulitola kuŋanda yakwe Obedi Edomu mwine Gati.

2 Samwelo 5:9

Mpeeke Defedi wakaya mukwikala mundabala ya mulilinga iyo akwiitumba ayi Ndabala yakwe Defedi. Lyalo wakayaka ndabala ya Jelusalemu kushinguluka lilinga. Wakatalikila kuMilo akuya mukushika kulilinga.

2 Samwelo 5:8

Pabushiku ubo Defedi wakaamba ayi, “Uyo woonse usuni kukoma bene Jebusi, ulyeelete kwiinda mwiinda maanshi kwaamba ayi akonshe kushika pabete balwani bangu abo balema alimwi aboofu.” Nceceeco bantu ncebaambila ayi, “Boofu abalema teshi bakenjileemo muŋanda ya bwaami.”

1 Baami 9:24

Lyalo mwanaakwe Falawo mwanakashi ndyaakaswa muNdabala inene yakwe Defedi kuya mukwikala kuŋanda Solomoni njaakamuyakila, Solomoni wakaleta bulongo akweelanishisha kwicwe lya ndabala inene.

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Neyemiya 3:15

Shalumu mwanaakwe Koluwose, mweendeleshi wa cishi ca Misipa wakayakulula Mwinjililo wa Kantupu. Wakaubika ciluli akubika shisasa, shakupingilaamo ampingilo mumisena ya nshisho. KuKashiba ka Siloamu wakayakulula lubumbu pafwaafwi amuunda wa mwaami kushikila akushakuselukilaawo kuya kuNdabala inene yakwe Defedi.

Kulumbaisha 48:3

Lesa kwiinda mukucanika mukati ka malinga a njiyo, watondesha kwaamba ayi ndabala iyo ilitabilitwe kabotu.