2 Samwelo 4:7 - Baibo Busansulushi Bwa Libuku Ili

⁷ Mpeeke basankwa abo bakenjila kucipinda kwakoona Ishibosheti ndyaakalinga kulete pabulo bwakwe. Ndibakamana kumuyasa akumucaya, bakatimbulako mutwi wakwe akuubwesa. Bakeenda mashiku oonse munshila iinda mucinyika ca Joodani.

2 Samwelo 4:7 Referans Kwoze

Mateyo 14:11

Lyalo mutwi wakwe bakooletela mumbale iselebete akupa mulindu uyo, alakwe wakootola kuli banyina.

2 Samwelo 2:29

Mpeeke mashiku ayo oonse Abina abashilumamba bakwe bakeenda mucinyika cinene ca Joodani. Bakasubuka mulonga wa Joodani akweenda macuunsa oonse tibili abeene tyonkolo muMaanaimu.

1 Samwelo 31:9

Mpeeke bakatimbula mutwi wakwe Saulo akumufuula shakulwanisha shakwe shoonse. Kuswawaawo bakatuma beshinkombe mucishi cine mishaabo coonse ayi baambilishe makani abotu muŋanda ya shibumbwabumbwa shabo akubene mishaabo.

1 Samwelo 17:54

Defedi wakabwesa mutwi wa mwine Filisiti ulya kuya mukushisha akuJelusalemu. Sombi shintu nshaakalinga kulwanisha mwine Filisiti uyo, shalo wakashibika mumusumba wakwe mwiine.

Kulonga 8:3

Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa.

1 Samwelo 17:51

Mpeeke Defedi wakacica waya weemikana pamutuntu wakwe Golyati. Lyalo wakakwela mupeeni wa mwine Filisiti uyo kuswa munkomwe ya nguwo. Ndyaakamana kumucailila wakamusutula mutwi amupeeni uyo. Bene Filisiti ndibakabona ayi uyo ngobakalinga kucinkiteemo manungo wafwa, bakapiluluka akutalika kucica.