2 Samwelo 22:3 - Baibo Busansulushi Bwa Libuku Ili

³ Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.

2 Samwelo 22:3 Referans Kwoze

Kulumbaisha 9:9

Mwaami Lesa nciyubilo ca baabo balyatililwa, alimwi ndilinga lya mabwe muciindi ca mapensho.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Tushimpi 30:5

“Maswi a Mwaami Lesa oonse ngalushinisho. Lakwe ndyeliyawo lya baabo bacicila kuli nguwe.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Bene Ebulu 2:13

Wakaamba alimwi ayi, “Ndaakushoma muli Lesa.” Alimwi ayi, “Ndiwaano abaana abo Lesa mbwaakaampa.”

Luka 1:69

Watupa Mupulushi ucite nkusu kuswa mulunyungu lwakwe Defedi musebenshi wakwe.

Kulumbaisha 144:2

NguLesa wangu shilusuno alimwi moonjuba, lilinga lyangu alimwi ngomupulushi wangu. Ncakwiila ndiyawo lyangu ilyo lintabilila. Ngookoma mishobo imwi akwiibika mumaansaangu.

Kulumbaisha 59:16

Sombi nebo ndanokwiimba nkusu shanu. Kulila bwaca ndanokwiimba shalusuno lwanu lutamaani, mukwiinga mwebo kuli ndime muli lilinga lya mabwe, kuli ndime muli ciyubilo muciindi ca mapensho.

Kulumbaisha 14:6

Bamucita shibi balapilinganya miyeeyo ya bantu balibombya, sombi Mwaami Lesa nceciyubilo cabo.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Kulumbaisha 140:4

NoBaami baLesa amumfuune mumaansa a bamucita shibi, amuntabilile kubantu bakali abo batooyeeya kungwisha.

Kulumbaisha 55:9

NoBaami baLesa, amufulunganye miyeeyo njebatoopanga pantu pomwi abukoonko bwa bamucita shibi abo. Mukwiinga ndaboona nkondo ashimfulunganya mundabala inene.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Luka 1:71

ulaakutupulusha kuswa kubalwani besu, nkokwaamba ayi kunkusu sha baabo boonse batupatite.

Kulumbaisha 140:11

Abo babekesha bamwi mutabaleeki ayi banoocikala mucishi. Bubi abukanyonyoole bantu bakali.

Kulumbaisha 140:1

NoBaami baLesa amumfuune kubantu babiibi. Amuntabilile kubantu bakali.

Kulumbaisha 86:14

Bantu beshikulisumpula batoondwana nobaLesa. Likoto lya bantu beshilunkutwe balisuni kuncaya. Ncakwiila abo mbantu batashomi muli ndimwe.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Kulumbaisha 84:9

Amubone liyawo lyesu, nobaLesa. Amunyumfwile nkumbu uyo ngomwakasala kuba mwaami!

Kulumbaisha 72:14

Ulabapulusha kuswa kubantu babalyatilila akubaabo bakali. Ncakwiila buumi bwabo mbwa makwebo abuumbi kuli nguwe.

Kulumbaisha 71:7

Bantu baanji balakankamana pabuumi bwangu, sombi ndimwe beshikunjimikanina beshinkusu.

Kulumbaisha 61:3

Ceebo mwebo ndimwe ciyubilo cangu. Ndimwe mumfuna kuswa kubalwani bangu.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Kulumbaisha 27:5

Muciindi ca mapensho ulaakunshisa, ulaakundama kabotu muŊanda yakwe isalalite, ee, ulaakumbika pamusena pataaku cakulibilika.

Kulumbaisha 5:12

Ncakwiila noBaami baLesa ndimwe mupa coolwe kubaluleme. Lusuno lwanu ulo luli anga ndiyawo lulabacingilisha.

Kulumbaisha 3:3

Sombi mwebo noBaami baLesa muli liyawo lyangu, mulamfwalika bulemu bwanu, mulanjumyayumya akunsumpula.

2 Samwelo 22:51

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

2 Samwelo 22:49

Kubalwani bangu ngoompulusha. “Nobaami baLesa mulanengesha kukoma balwani bangu, ncakwiila mulamfuna kubantu bakali.

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!

Dutolonomi 32:37

Lyalo Mwaami Lesa ulaakwiipusha bantu bakwe ayi, ‘Bali kuli balesa ba nkusu mbomwakashoma?

Taitasi 3:6

Lesa wakatupa Mushimu Usalashi camaansa obilo kwiinda muli Jesu Klistu Mupulushi wesu.

Taitasi 3:4

Sombi nkumbu alusuno lwakwe Lesa Mupulushi wesu ndishakayubululwa,

Luka 1:47

Ndisangalete abuumbi ceebo cakwe Lesa Mupulushi wangu

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Kulumbaisha 142:4

Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.

2 Samwelo 22:31

Nshila ya Mwaami Lesa teecite kampenda. Maswi aMwaami Lesa ncakwiila alashomeka. Mwaami Lesa ulibo anga ndiyawo kubaabo bayuba kuli nguwe.

2 Samwelo 22:47

“Mwaami Lesa ngumuumi! Aalumbaishikwe mwaandami wangu! Aasumpulwe Lesa umfuna alimwi ngomupulushi wangu!

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Kulumbaisha 9:10

Boonse abo beshi liina lyanu balamushoma, ceebo mwebo noBaami baLesa tamusuuli besa kuli ndimwe.

Kulumbaisha 46:2

Aboobo teshi tukaloonde nabi cishi cikatenkaanishikwe, atwalo tulundu tukapile panshi peene mulweenge.