2 Samwelo 1:2 - Baibo Busansulushi Bwa Libuku Ili

² Ingayi bwatatu musankwa wakapola kuswa kumisumba yakwe Saulo, kaafwete shakufwala shikwamookite alimwi abulongo mumutwi. Ndyaakashika kuli Defedi wakafukama cakushisha ciwa panshi mukumupa bulemu.

2 Samwelo 1:2 Referans Kwoze

1 Samwelo 4:12

Mpomunyaawo umwi musankwa wa mumukowa wakwe Benjameni wakacica kuswa kumusena wakulwaninaawo kuya kuShilo cakushika bushiku bomwi. Wakakwamoona shakufwala shakwe akulibika bulongo pamutwi kutondesha buumba bwakwe.

2 Samwelo 4:10

musankwa umwi ndyaakesa mukundwiita ayi Saulo ulifwite, kaayeeya ayi waleta makani abotu, ndakamucata akumucaya kuSikilagi. Ico ncecilambu ncendakamupa pamakani akwe abotu!

1 Samwelo 25:23

Abigelo ndyaakabonabo Defedi, wakaseluka pambongolo yakwe wafukamina Defedi cakushisha ciwa panshi.

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Mateyo 12:40

Ceebo bweenka mbuli Jona mbwaakalinga mulifumo lya nswi inene inshiku shotatwe, alakwe MwanaaMuntu ulaakwikala nshiku shotatwe mucuumbwe.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Osiya 6:2

Muciindi ciniinibo ulaakutubusha, ee, munshiku shobilo nabi shotatwe ulaakutubusha kwaamba ayi tube abuumi pameenso akwe.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Esita 5:1

Pabushiku bwatatu bwakulikasha kulya Esita wakafwala shakufwala shakwe sha bwaami akuya mukwiimikana kulubansa lwa mukati lwa ŋanda ya bwaami kaalangite kucipinda cinene ca cuuna ca bwaami. Mwaami wakalinga kushiite pacuuna cakwe kaalangite kumulyango.

Esita 4:16

“Kamuya mukabunganye baJuda boonse bali muSusa, mulikaashe kulya akumpaililaako. Mutakali nabi kunwa cintu cili coonse kwanshiku shili shotatwe. Nebo alimwi abasebenshi bangu banakashi tulaakunoocita bweenka ubo. Kuswawaawo ndaakuya kumwaami nabi mulawo ulakasha. Na cilaamba kufwa, ankafwebo!”

2 Samwelo 15:32

Defedi ndyaakashika peculu apo pakalinga musena Lesa mpwaakalinga kulambililwa, bakakumana aUshayi mwine Aki kaafwete shakufwala shakakwamoonwa alimwi kaalibikite lusuko pamutwi.

2 Samwelo 14:4

Mwanakashi uyo wa kuTekowa wakaya kumwaami akufukama cakushisha ciwa panshi mukumupa bulemu. Mpomunyaawo wakaamba ayi, “Amuncaafwe noBaami!”

1 Samwelo 20:41

Mwanike ndyaakaya, Defedi wakanyamuka kuswa kulubasu lwakumalenge a mulwi wa mabwe akufukamina Jonasani mankanda otatwe cakushisha ciwa panshi. Kuboolaawo bakafyontana akulila buumpute boonse bobilo. Nakubi boobo Defedi wakeendaawo kulila.

1 Samwelo 4:16

Musankwa uyo wakaamba ayi, “Ndaloboka kunkondo akucica kwisa kokuno akushika sunu lyeenka.” Eli wakeepusha ayi, “Ino nciinshi cacitika omwanaangu?”

Matalikilo 43:28

Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 22:4

Pabushiku bwatatu, Abulaamu wakaubona musena uyo palaale.

2 Samwelo 1:3

Mpomunyaawo Defedi wakamwiipusha ayi, “Waswa kuli?” Lakwe wakakumbula ayi, “Ndaloboka kumisumba ya bene Isilaeli.”

Esekelo 27:30

Batookooloma akulila abuumbi pali ndiwe. Batoolitukweeta lusuko pamitwi akwaalabangana mumilota.

2 Samwelo 13:19

Lyalo Tama wakalibika milota mumutwi akukwamuna cakufwala ico ncaakalinga kufwete. Mpeeke wakalikumbata kumutwi akuya cilila cakooloma nshila yoonse.

2 Samwelo 24:20

Mpeeke Alauna ndyaakabona mwaami Defedi abacinenenene bakwe, wakaya wafukama cakushisha ciwa panshi mukumulemeka.