2 Samwelo 1:10 - Baibo Busansulushi Bwa Libuku Ili

¹⁰ Aboobo ndakaya ndamucaya mukwiinga ndakalinga kumubwene ayi na awebo, utoofwa. Lyalo ndakabwesa mushini ngwaakalinga kufwete kumutwi wakwe ampatishi ya kumaansa akushileta kuli ndimwe nobaami bangu.”

2 Samwelo 1:10 Referans Kwoze

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Boomboloshi 9:54

Mpomunyaawo Abimeleki wakeeta shikumunyamwita shakulwanisha akumwaambila ayi, “Bwesa mupeeni wako uncaaye, ceebo bantu inga batalika kwaamba ayi, ‘Wakacaikwa kumwanakashi.’ ” Aboobo wakamuyasa, wafwa.

2 Baami 11:12

Lyalo Jeoiyada wakakusha Joashi, wamufwalika mushini wa bwaami kumutwi. Lyalo wakamupa pakalembwa milawo ya bwaami. Mpomunyaawo Joashi wakananikwa mafuta akwaambilishikwa ayi ngumwaami. Bantu bakasangalala, bakamba mapaka akwaamba ayi, “Mwaami kaabukila buumi!”

Malilo 5:16

Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.

2 Samwelo 12:30

Mpeeke Defedi wakabwesa mushini wa golodi wakalinga kumutwi wa cibumbwabumbwa cakwe lesa wa bene Amoni, uyo wakalinga kulema makilogilamu ali 34. Wakalinga kucite libwe lya makwebo. Mushini uyo wakabikwa kumutwi wakwe Defedi. Defedi wakasaala shintu shiinji kuswa mundabala iyo.

1 Samwelo 22:18

Mpeeke mwaami wakaambila Dowegi ayi, “Nyamuka webo ucaye bapailishi aba.” Mpomunyaawo Dowegi mwine Edomu uyo wakabacayoola boonse. Bushiku ubo wakacaya basankwa bali 85 boonse kabafwala kale shakufwala sha bupailishi, shakapangwa kunsalu ibotu iteshimite, shiitwa ayi efodi.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

2 Samwelo 1:9

“Mpeeke wakaamba ayi, ‘Kwesa kuno uncaaye. Ndacisikwa cibiibi alimwi ndi pafwaafwi akufwa.’

2 Samwelo 1:16

Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”