2 Pita 1:8 - Baibo Busansulushi Bwa Libuku Ili

⁸ Na mulicite shintu ishi alimwi akutolelela kuya cibikilaawo ashimwi, teshi mukabe batolo, batacite mpindu mulushibo lwa Mwaami wesu Jesu Klistu.

2 Pita 1:8 Referans Kwoze

Taitasi 3:14

Bantu besu balyeelete kwiiya kusebensesha ciindi mukucita shintu shibotu, kwaamba ayi bacafwilishe mushintu shiyandika cancinencine, kuteshi kwikala buumi butacite mpindu.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Ebulu 6:12

Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

2 Pita 1:2

Luse aluumuno shikomene muli ndimwe lyoonse alyoonse, kwiinda mulushibo ndotucite pali Lesa alimwi aJesu Mwaami wesu.

Filimoni 1:6

Ndapaila kwaamba ayi kwiinda mukwaamba shalushomo lwako, bantu beshibe abuumbi shibotu shoonse nshetucite muli Klistu.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Bene Filipi 2:5

Amube amoyo mbuli wooyo wakalinga kucite Klistu Jesu.

2 Bene Kolinto 13:5

Amulyeeleshe nobeene akuliyeeya na mulicite lushomo. Sa tamwishi kwaamba ayi Klistu uli muli ndimwe? Na tacibete boobo, ingayi mwaalilwa!

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

2 Bene Kolinto 9:14

Aboobo bananoomupailila calusuno lwiine lwiine ceebo ca luse lwiindaawo Lesa ndwaamutondesha.

2 Bene Kolinto 8:2

Bantu ba mushoonde isho bakasunkwa abuumbi kumapensho ayo ngobakeendaamo, sombi ceebo bakalinga kusangalete lyoonse, bakalinga kupa shipo amyoyo yabo yoonse, nakubi kwaamba ayi bakalinga bakandu.

1 Timoti 5:13

Alimwi balaba batolo akutalika kunoobalabo milyango amilyango. Teshibo ceeco ceenka, sombi balaba bafuishi, bankulwe alimwi mbeshi kwaambabo shikani nshebateelete.

1 Bene Tesalonika 3:12

Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.

2 Bene Kolinto 8:7

Mbuli mbomwiindawo bamwi mushintu shoonse, mulushomo, mukushimikila, mulushibo, mukuyandishisha kucafwa alimwi amulusuno ndomucite pali ndiswe, ndisuni kwaamba ayi mwiindeewo bamwi amukucita mulimo uyu wa luse.

Bene Loma 12:11

Mutabi batolo, sombi amusebense cankusu. Amulibeenge amyoyo yoonse mukusebensela Lesa.

Joni 5:42

Sombi ndimwishi kwaamba ayi mwebo tamusuni Lesa.

Mateyo 25:26

Sombi mwaami wakwe wakamukumbula ayi, ‘Webo omusebenshi mubiibi mutolo! Te walikwishi kwaamba ayi nebo ndatebula mpoontakwe kushanga akuyobolola mpoontakwe kuminsa?

Mateyo 20:6

Lisuba ndilyakashika paciindi cinjila ŋombe, wakaya alimwi, wacaana abamwi kabashiitebo. Mpeeke wakabeepusha ayi, ‘Ceebonshi mulishiitebo lisuba lyoonse ili?’

Mateyo 20:3

Paciindi ca 9 koloko, muntu uyu wakaya kumushika akucana bamwi bakalinga kushiitebo.

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Tushimpi 19:15

Butolo bulapa koonenena, ee, muntu utacabaani ulaba shinsala.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.