2 Makani 9:4 - Baibo Busansulushi Bwa Libuku Ili

⁴ Wakabona shakulya isho shakalinga kubambwa patebulu yakwe, kwakalinga koona bacinenenene bakwe, misebenselo ya basebenshi bakwe bakalinga kusebensa muŋanda yakwe ashakufwala sha pancito. Wakabona basebenshi beshikumupa shakulya na kwaba shakusekelela, milambu njaakalinga kubenga muŊanda yakwe Lesa. Ne, kucana wabula acakwaamba!

2 Makani 9:4 Referans Kwoze

Ciyubululo 3:20

Bona, ndiimfwi pamulyango ntookonkoonsha. Uyo woonse weshi anyumfwe liswi lyangu akucalula cisasa, ntoonjila muŋanda yakwe, kwaamba ayi nebo anguwe tulite pantu pomwi.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Danyelo 10:17

Nebo ndibo anga ngumusha wiimfwi kunembo lya mwaami wakwe. Ono nkambo, inga ndakonsha buyani kwaambaanu? Nshicite nkusu alimwi akuyoya citooyuma.”

Esekelo 46:2

Muleli ulyeelete kwiinda kumwinjililo wakwicwe pakuswa kulubansa lwa pansengwe kwinjila mucipinda cakwinjililaako akuya mukwiimikana kushisamu sha kumwinjililo, bapailishi pakunoobenga milambu yakwe yakutenta alimwi amilambu ya bwanabwankashi. Ono muleli lakwe ulyeelete kulambilila kweenka uko kumwinjililo, amanisha nkokuboolela. Mwinjililo uyo tooelete kucaalwa kushikila macolesha.

Esekelo 44:3

Muleli eenkabo ngoweelete kwikala mumwinjililo akulya kunembo lyangu neMwaami Lesa. Ulyeelete kwinjilila kucipinda cakwinjililaako alimwi akuswita nkuko.”

Lwiimbo lwakwe Solomoni 5:8

Nobanakashi ba kuJelusalemu, amunshomeshe ayi na usunikwi wangu mumucaane, mutoomulwiita ayi lusuno nebo lwandesula.

Tushimpi 9:5

“Kamwisa mulye shakulya shangu akunwa waini uyo ngondakasenkanya.

Kulumbaisha 143:7

NoBaami baLesa, amunkumbule cakufwambaana ceebo moyo wangu utoolela. Mutamfutatili, sobwe! Ceebo inga ndaba anga mbaabo batooya kumusena wa bafu.

Kulumbaisha 119:81

Moyo wangu ulikopokete kulindilila lupulusho lwanu, sombi nebo ndicinkite manungo mumaswi anu.

Neyemiya 1:11

Amukutike mupailo wangu nemusebenshi wanu pantu pomwi amipailo ya basebenshi banu bamwi boonse abo basangalala mukumulemeka. Amumpe coolwe nemusebenshi wanu kwaamba ayi mwaami uyo anyumfwile nkumbu.” Muciindi ico ndakalinga shikupa mwaami waini.

2 Makani 23:13

Ndyaakashika, wakacana mwaami mupya uliimfwi kulicinko pamwinjililo wa Ŋanda yakwe Lesa kweelana akwishibila kwabo. Wakalinga kushingulukitwe abamatanjilili alimwi abeshikulisha mapeenga. Bantu boonse bakalinga koolobesha cakusangalala akulisha mapeenga. Mpomunyaawo Ataliya wakakwamoona shakufwala shakwe akwaamba ayi, “Bambukila! Bambukila!”

1 Makani 9:18

Kushikila ciindi ico bakalinga kulindilila kuMwinjililo wa Mwaami kwicwe. Kalekale bakalinga kulindilila kuminjililo ya mumisumba ya bene Lefi.

2 Baami 16:18

Lyalo kwaamba ayi mwaami wa bene Asilya akondwe, Aasi wakakusha cakayakwa ayi kapekala cuuna ca bwaami akucala nshila yakalinga kwinjililako mwaami eenkabo.

1 Baami 10:5

Wakabona shakulya isho shakalinga kubambwa patebulu yakwe, kwakalinga koona bacinenenene bakwe, misebenselo ya basebenshi bakwe bakalinga kusebensa muŋanda yakwe ashakufwala sha pancito. Wakabona basebenshi beshikumupa shakulya na kwaba shakusekelela, milambu njaakalinga kubenga muŊanda yakwe Lesa. Ne, kucana wabula acakwaamba!

Mateyo 6:29

Sombi ntoomulwiita ayi nabi mwaami Solomoni mububile bwakwe boonse, taakwe kubaawo ashakufwala shibotu shiboneka mbuli maluba aya.

2 Makani 9:3

Mwaami mwanakashi wa kuShiba wakanyumfwa busongo bwakwe Solomoni alimwi wakabona ŋanda yakwe ya bwaami njaakayaka ibotu.

2 Makani 9:5

Wakaambila mwaami Solomoni ayi, “Nshendakanyumfwa mucishi cangu pamilimo yanu abusongo bwanu, ndasumina nshancinencine!

1 Baami 5:2

Maswi akaboosha Solomoni kuli Ilamu ngakwaamba ayi,

1 Baami 5:3

“Mulishi kwaamba ayi ceebo ca nkondo shatalinga kumana bata nshebakalinga kulwana ashishi, tabakwe kukonsha kuyaka Ŋanda yakulambililaamo Mwaami Lesa wabo, kushikila Mwaami Lesa ndyaakabalengesha kukoma balwani babo boonse.