2 Makani 9:21 - Baibo Busansulushi Bwa Libuku Ili

²¹ Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.

2 Makani 9:21 Referans Kwoze

Jobo 39:13

“Mapapaminwa a ntibatiba alaya bupepuluka cakusangalala, sombi inga teekoonshi kuuluka anga ninkobokobo.

1 Baami 22:48

Mwaami Jeoshafati wakapanga maato anene akalinga kweenda palweenge ayi aye kucishi ca Ofi kuya mukuleta golodi. Sombi maato ayo taakwe kushika kuOfi mukwiinga akanyonyooka kuEsiyoni Geba.

1 Baami 10:22

Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.

2 Makani 9:20

Nkomeshi shoonse shakwe Solomoni shakapangwa a golodi. Mbale shoonse shakalinga kubikwa muCipinda ca Musaansa wa Lebanoni shakapangwa agolodi wiine wiine. Taaku shakapangwaawo asilifa mukwiinga ciindi ico cakwe Solomoni silifa teyakalinga kucite makwebo.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

2 Makani 8:18

Mwaami Ilamu wakamutumina maato akalinga kweendeleshekwa abamatanjilili bakwe mwiine alimwi abeshikweensha maato bacibwene. Aba abeshikweensha maato bakwe Solomoni bakaya kucishi ca Ofi akuletaako makilogilamu a golodi ali 15,000 akwiindilila akuupa Solomoni.

Jelemiya 10:9

Shibumbwabumbwa shabo balashinanika silifa uswa kuTashishi agolodi uswa kuUfasi. Camana kupangwa kubaabo bacibwene kubesa akufula, balacifwalika shisani shiboneka anga ndiculu alimwi ashifubelafubela. Shisani isho shoonse shilatungwa kubacibwene kutunga.

Esekelo 27:12

“ ‘Bene Tashishi bakalinga kucita makwebo andiwe ceebo ca buboni bwako buunji. Bakalinga kuleta silifa, nshimbi, ceela alimwi amuntomfwe mukushintana amakwebo ako.

Esekelo 27:15

“ ‘Basankwa ba kuLodesi bakalinga kucita makwebo andiwe. Bantu ba mushishi shiinji sha kuloombe lwa lweenge bakalinga kuleta meeno a nsofu ashisamu shishiya mbi mukushintana amakwebo ako.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.