2 Makani 7:9 - Baibo Busansulushi Bwa Libuku Ili

⁹ Kusekelela kubengwa kwa cipaililo kwakatola nshiku shosanwe ashobilo kubikaawo akusekelela kwa Shimpaka uko kwakatola nshiku ashimwi shosanwe ashobilo. Pabushiku bwakweelaako, bakaba akusekelela kwakucala.

2 Makani 7:9 Referans Kwoze

Bene Lefi 23:36

Panshiku shosanwe ashobilo shoonse ishi, lyoonse pabushiku mulaakunoopa cipo ca cakulya. Ono pabushiku bwasanu ashotatwe, mukabungane pantu pomwi alimwi, ayi munambile akumpa cipo ca cakulya. Ubu mbushiku bwakulambila, aboobo tamweelete kusebensa milimo yanu.

Jowelo 1:14

Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.

Neyemiya 8:18

Bushiku abushiku bwa kusekelela uko, nkokwaamba ayi kuswa pabushiku butaanshi kushikila kubwakweelaako, Esila wakalinga kubelenga muLibuku lya Milawo yakwe Lesa. Bakasekelela kwanshiku shosanwe ashobilo. Lyalo pabushiku bwasanu ashotatwe bakaba alibungano lyakucala kusekelela uko kweelana aMilawo.

2 Makani 30:23

Lyalo likoto lyoonse lyakasumina kwaamba ayi banungeeko nshiku ashimwi shosanwe ashobilo. Mpeeke bakasekelela cakusangalala abuumbi kwanshiku isho.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

Dutolonomi 16:8

Mpomunyaawo kwanshiku shosanwe abomwi mukanoolyabo cimaande. Ono pabushiku bwasanu ashobilo mukabungane ayi mulambile Mwaami Lesa, Lesa wanu alimwi tamweelete kucita mulimo nabi womwi.

Shakubelenga 7:10

Bamatanjilili bakaleta ashipo shakusebensesha pakusekelela kubengwa kwa cipaililo akushipa kunembo lya cipaililo,

2 Makani 7:10

Ngayi pabushiku bwamakumi obilo ashotatwe, mumweenshi wasanu ayobilo wakapalanganya bantu ayi baye mwabo mwabo. Bakaya kabakondetwe akusangalala mumyoyo ceebo ca shintu Mwaami Lesa nshaakacitila Defedi, Solomoni alimwi abantu bakwe bene Isilaeli.

Kulonga 29:37

Ukanoocita mbomunya ubo kwanshiku shosanwe ashobilo shoonse. Lyalo cipaililo cilaakunoosalalite abuumbi, alimwi cintu cili coonse ceenga cakumyaako cilaakucisikwa ceebo cipaililo cilisalalite.

1 Baami 8:2

Boonse bakabungana muciindi cakusekelela kwa Shimpaka mumweenshi wasanu ayobilo uyo wakalinga kwiitwa ayi Etanimu.