2 Makani 5:13 - Baibo Busansulushi Bwa Libuku Ili

¹³ Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

2 Makani 5:13 Referans Kwoze

Esila 3:11

Lyalo bakeemba kabalumbaisha Mwaami Lesa ayi, “Mwaami Lesa ngumubotu, lusuno lwakwe pabene Isilaeli ndwamuyayaya.” Bantu boonse bakalumbaisha Mwaami Lesa cakoolobesha, mukwiinga mulimo wakuyaka alimwi Ŋanda yakwe Lesa wakatalika.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

2 Makani 7:3

Bene Isilaeli ndibakabona mulilo koosa panshi abulemu bwa Mwaami Lesa peculu lya Ŋanda yakwe Lesa, bakafukama cakushisha shiwa panshi akulambila alimwi akulumbaisha Mwaami Lesa mukwaamba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

Isaya 52:8

Amukutike, beshikulindilila banu bayobela. Boonse batokoolobesha cakusangalala. Mwaami Lesa akuboola muSiyoni boonse balaakulibonena ameenso abo.

Kulumbaisha 100:5

Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

2 Makani 20:21

Jeoshafati ndyaakamana kwiipusha bantu, wakasala beshikwiimba akubaambila ayi bafwale shakufwala shisalalite sha bwiimbi alimwi akunooya ceendela kunembo lya bashilumamba kabaya ciimba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

Bene Loma 15:6

Nkokwaamba ayi noonse mulyeelete kulemeka Lesa Ishi Mwaami wesu Jesu Klistu camoyo womwi.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Ciyubululo 15:8

Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.

Kulumbaisha 106:1

Amulumbaishe Mwaami Lesa! Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 118:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulonga 29:43

Uko nkomunya, ndaakunookumana abene Isilaeli alimwi bulemu bwangu bulaakusalasha musena uyo.

1 Makani 16:4

Wakasala bene Lefi bamwi kwaamba ayi banoosebensela kunembo lya Libokoshi lya Cipangano ca Mwaami Lesa kwaamba ayi banoosenga, banoolumba akulumbaisha Mwaami Lesa, Lesa wa bene Isilaeli.

2 Makani 7:1

Solomoni ndyaakamanabo kupaila, mulilo wakesa kuswa kwiculu akutenta milambu yoonse yakabengwa. Mpeeke bulemu bwa Mwaami Lesa bwakesula Ŋanda yakwe.

2 Makani 7:2

Bapailishi bakaalilwa kwinjila muŊanda yakwe Lesa mukwiinga mwakesula bulemu bwa Mwaami Lesa.

2 Makani 7:6

Bapailishi boonse bakeemikana mumisena yabo njibakapekwa kabalangene abene Lefi. Bene Lefi bakalinga kulumbaisha Mwaami Lesa ashakulisha isho mwaami Defedi nshaakabamba, kabeemba lwiimbo lwakwaamba ayi, “Lusuno lwakwe ndyamuyayaya!” Bakacita boobo kweelana abwakabalwiita Defedi. Bapailishi abalo bakalinga kulisha mapeenga bene Isilaeli boonse kabeemfwi.

2 Makani 20:22

Mpeeke ndibakatalika kwiimba, Mwaami Lesa wakalengesha shimfulunganya pakati ka bashilumamba bene Amoni, bene Moabu abene Edomu, aboobo bakakomwa.

Neyemiya 12:27

Ono paciindi cakusalasha lubumbu lwa ndabala ya Jelusalemu, bene Lefi bakeetwa kuswa mumisena mobakalinga kwikala kwaamba ayi babeeko pakusekelela kusalasha uku akwiimba nyimbo shakulumba alimwi akulisha tusenke atulumbu tunene atuniini.

Kulumbaisha 22:4

Bamashali besu bakulukulu bakalinga kucinkite manungo muli ndimwe. Bakalinga kucinkite manungo muli ndimwe, amwebo mwakalinga kubafuna.

Kulumbaisha 81:2

Amutalike lwiimbo akulisha misebe, amulishe tulumbu tuniini atunene.

Kulumbaisha 150:3

Amumulumbaishe kamulisha mapeenga. Amumulumbaishe atulumbu twa mishobo yoonse.

Kulumbaisha 150:5

Amumulumbaishe kamulisha atusenke tuselebete. Amumulumbaishe kamulisha atusenke tuselebete tulila bunene.