2 Makani 34:3 - Baibo Busansulushi Bwa Libuku Ili

³ Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

2 Makani 34:3 Referans Kwoze

2 Makani 33:22

Ono alakwe wakabishisha Mwaami Lesa bweenka bwakacita Manase ishi. Wakalambila shibumbwabumbwa isho shakapanga baishi.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

2 Makani 33:17

Kuswawaawo nabi bantu bakalinga kubenga milambu mumisena imwi yakulambililaamo, bakalinga kwiibengabo kuMwaami Lesa.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Kulumbaisha 119:9

Anu cikula bwangu inga wasalasha buyani nshila yakwe? Kwiindabo mukwikala kweelana amaswi anu.

2 Makani 30:14

Lyalo bakakusha shipaililo shoonse nshebakalinga kusebensesha muJelusalemu pakubenga milambu akutenta tununkila kabotu. Kuswawaawo bakaya mukushisowa muCinyika ca Kidiloni.

1 Makani 29:1

Mpomunyaawo mwaami Defedi wakaambila bantu boonse ayi, “Mwanaangu Solomoni uyo Lesa ngwaakasala ucili mwanike alimwi taana kuba alushibo. Mulimo uyu ngunene mukwiinga teshi kuyaka ŋanda ya bwaami ya muntu wa pacishi cino, sombi niŊanda ya Mwaami Lesa, Lesa wesu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Makani 22:5

Lyalo Defedi wakayeeya ayi, “Ŋanda yakwe Lesa iyo mwanaangu Solomoni njeshi akayake ilyeelete kubota abuumbi alimwi ikankamika bamucishi coonse ca panshi. Sombi mwanaangu ucili mwanike alimwi taana kuba alushibo. Ono nebo ndyeelete kutalika kulibambila.” Mpomunyaawo Defedi wakabamba shintu shiinji shakuyakisha kaatana kufwa.

2 Baami 23:14

Mwaami Josiya wakapwaya macinko asalalite mutupanshapansha. Wakatimboola shikoshanyo shakwe Ashela lesa mwanakashi akufweka waawo mposhakalinga kwiimfwi ashifuwa sha bantu.

2 Baami 23:4

Lyalo Josiya wakaambila Ilikiya mupailishi munene, bapailishi bakalinga kucafwa mupailishi munene alimwi abaabo bakalinga kulindilila kumwinjililo wa Ŋanda yakwe Lesa ayi balete shintu shoonse isho nshebakalinga kusebensesha pakulambila Baali, Ashela lesa mwanakashi alimwi anyenyeenshi. Mpeeke mwaami wakatenta shintu isho shoonse kunsengwe lya ndabala ya Jelusalemu, pafwaafwi aCinyika ca Kidiloni. Lyalo wakabwesa milota akwiitola kuBetelo.

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

1 Baami 13:2

Kukonkela mulawo ngwaakaamba Mwaami Lesa, mulaluki wakanyansha cipaililo ico ayi, “Ocipaililo, ocipaililo, Mwaami Lesa waamba ayi, ‘Kulaakushalwa mwaana uyo weshi akeetwe ayi Josiya mulunyungu lwakwe Defedi. Pali ndiwe ulaakucailawo bapailishi abo basebensela kumisena yakulambililaako ya patulundu akubenga milambu pali ndiwe alimwi ulaakutenta shifuwa sha bantu pali ndiwe.’ ”

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

2 Makani 34:33

Kuswawaawo Mwaami Josiya wakanyonyoola shibumbwabumbwa shilensha bunya shoonse isho shakalinga mucishi coonse ca bene Isilaeli. Wakalengesha bantu boonse ba mucishi ca Isilaeli kusebensela Mwaami Lesa, Lesa wabo. Mubuumi bwakwe boonse tabakwe kwaalilwaawo kukonkela Mwaami Lesa, Lesa wa bamashali babo bakulukulu.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?

2 Baami 10:27

Mpomunyaawo bakanyonyoola libwe ilyo aŋanda yakwe Baali akulengesha ŋanda iyo kuba cimbushu, asunu mboibete.

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

2 Makani 14:6

Muciindi ico wakayaka mandabala mucishi ca Juda akalinga kucite malinga. Kwamyaaka iinji tekwakalingawo nkondo mukwiinga Mwaami Lesa wakamupa luumuno.

2 Makani 33:15

Wakakusha balesa beensu akukusha cikoshanyo cakubesa muŊanda yakwe Lesa kubikaawo ashipaililo isho nshaakalinga wayaka pakalundu ka Ŋanda yakwe Lesa muJelusalemu. Lyalo shoonse wakashisowa kunsengwe lya ndabala.

Kulumbaisha 71:5

Kulangila kwangu kuli muli ndimwe noBaami baLesa bangu Beshinkusu shoonse. Ndicinkite manungo muli ndimwe kuswabo kubwanike bwangu.

Tushimpi 20:11

Mwaana uleshibwa mibo yakwe kwiinda mumicito yakwe. Ee, uleshibwa na mibo yakwe ililuleme alimwi teecite kampenda.