2 Makani 32:8 - Baibo Busansulushi Bwa Libuku Ili

⁸ Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

2 Makani 32:8 Referans Kwoze

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Milimo ya Batumwi 18:10

mukwiinga ndi awebo. Taaku muntu nabi womwi ngweshi akakuciise ceebo bantu baanji mundabala inene ino bali kulubasu lwangu.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

1 Joni 4:4

Ono mwebo nobana bangu, muli bakwe Lesa alimwi mwabakoma kale balaluki babeshi mukwiinga Mushimu uli muli ndimwe ulicite nkusu kwiinda wooyo uli muli baabo basuni sha mucishi ca panshi.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Tushimpi 12:25

Kulisukama kulalengesha muntu kuungumana, sombi maswi a nkumbu alalengesha kusangalala.

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

2 Makani 14:11

Asa wakapaila kuMwaami Lesa, Lesa wakwe ayi, “NoBaami bangu, mwebo inga mwacafwa bashilumamba balefukite bweenka mbweenga mwacafwa bashilumamba beshinkusu. Amutucaafwe swebo bulya noBaami baLesa, baLesa besu mukwiinga twacinka manungo muli ndimwe alimwi twesa mukulwana bashilumamba baanji beshinkusu muliina lyanu. NoBaami baLesa mwebo muli baLesa besu, taaku weenga wamukoma mwebo.”

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Isaya 36:18

Esekiya atamubeeci ayi Mwaami Lesa ulaakumupulusha. Sa balesa ba mishobo imwi bakafunawo kale shishi shabo kuswa kumwaami wa bene Asilya?

Isaya 8:10

Amupangane muyeeyo bwakucita, sombi teshi mukaswitilileewo. Cili coonse nceshi mubambe teshi cikasebenseewo mukwiinga Mwaami Lesa uli aswebo.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

2 Timoti 4:22

Mwaami abe awebo. Luse lwakwe Lesa lube amwebo noonse.

2 Makani 32:15

Ono mutaleeki Esekiya kwaamba ayi amubeece akumucenjeeka munshila iyi. Mutasumini nshaatokwaamba mukwiinga taaku lesa wa cishi cili coonse nabi bulelo buli buyani wakakonsha kupulusha bantu bakwe kuswa mumaansaangu nabi mumaansa a bamashali bangu bakulukulu. Anu ncakwiila lesa wanu uyo taakoonshi kumupulusha!’ ”

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

1 Samwelo 17:45

Sombi Defedi wakaambila mwine Filisiti uyo ayi, “Webo utoosa mukundwana amupeeni alimwi amasumo. Ono nebo ntookulwana muliina lya Mwaami Lesa Shinkusu shoonse, Lesa wa likoto lya bashilumamba lya bene Isilaeli, uyo ngowanyansha.

2 Baami 6:16

Elisha wakakumbula ayi, “Utaloondi, bali kulubasu lwesu mbaanji kwiinda baabo bali kulubasu lwabo.”

1 Makani 5:22

Bakacaya bene Agi baanji mukwiinga nkondo iyo yakalinga yakwe Lesa. Kuswawaawo bakekala mucishi ico kushikila ciindi ndibakatolwa busha kushishi shimwi.

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

Kulumbaisha 20:7

Bamwi balicinkite manungo mushikoci sha maaki, abamwi mumaaki abo. Sombi swebo tulicinkite manungo muMwaami Lesa, Lesa wesu.

Kulumbaisha 118:8

Ncibotu kuyuba muMwaami Lesa, kwiinda kucinka manungo mumuntu.

Jelemiya 42:11

Mutaloondi mwaami wa bene Babiloni. Mutamuloondi ceebo nebo neMwaami Lesa ndanooli amwebo. Ndaakumufuna akumukusha mumaansaakwe.

Sekaliya 4:6

Kuswawaawo wakaŋambila ayi, “Aya ngomaswi a Mwaami Lesa kuli Selubabelo. Waamba ayi, ‘Teshi ukakome ceebo ca nkusu sha bashilumamba nabi nkusu shako omwiine, sombi ulaakukoma ceebo ca Mushimu wangu. Nebo neMwaami Lesa Shinkusu shoonse ndaamba.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

2 Baami 18:5

Esekiya wakalinga kucinkite manungo muMwaami Lesa, Lesa wa bene Isilaeli. Bene Juda tabakwe kubaawo amwaami uli mbuli wooyo kaatana kuba mwaami nabi kuswa ciindi ico.

2 Makani 14:10

Asa wakaya mukumulwana. Lyalo makoto a bashilumamba oonse obilo bakalibamba mumisena yakulwanina muCinyika ca Sefata kufwaafwi akuMalesha.

Isaya 30:32

Muciindi bene Asilya baakunoopekwa mulandu, balo bantu bakwe Lesa balaakunooshana kumukumo wa misebe atulumbu. Mwaami Lesa mwiine ulaakulwana bene Asilya.

Isaya 31:3

Bene Ijipiti teshi balesa, mbantubo. Aalo Maaki abo taacite nkusu sha bulesa. Aboobo bushiku Mwaami Lesa aakutondesha bukali bwakwe mushobo uyumu ulaakunyonyoolwa akulobeshekwa pantu pomwi amushobo uyo ucafwikwa kuli nguwo.