2 Makani 26:10 - Baibo Busansulushi Bwa Libuku Ili

¹⁰ Wakayaka maanda alaamfu muluyanga acite malinga akukaba mikalo iinji. Wakacita boobo mukwiinga wakalinga kucite shifubwa shiinji mucishi ca tulundu ca kulubasu lwakumbo amumawesa. Ono ceebo cakwaamba ayi wakalinga kusuni kulima, wakayumyayumya bantu ayi banoolima myuunda ya minyansa mucishi ico ca tulundu akulima bulongo bwa mboleshi.

2 Makani 26:10 Referans Kwoze

Isaya 29:17

Muciindi ciniini cishi ca Lebanoni cilaakuba muunda wa mboleshi. Awalo muunda wa mboleshi ulaakuba musaansa.

2 Baami 19:23

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

2 Baami 3:4

Mesha mwaami wa bene Moabu wakalinga kusunga mbelele. Mwaaka womwi awomwi wakalinga kubenga twana twa mbelele tuli 100,000 abooya bwa mbelele shisankwa shili 100,000 ayi ngumusonko.

Dutolonomi 3:10

“Twakabwesa cishi coonse cakwe Ogi mwaami wa Bashani. Twakabwesa mandabala anene ali pacitunta, cishi ca Gilyadi aca Bashani, kuya kwicwe kushika akumandabala aSaleka aEdileyi.”

2 Makani 26:11

Usiya wakalinga kucite likoto linene lya bashilumamba abo bakalinga kulibambite kulwana. Shoonse nshebakacita shililembetwe mumabuku a balembi bakwe aba, Jeiyelo alimwi aMaseiya abo bakalinga kweendeleshekwa aAnaniya uyo wakalinga wacinenenene umwi wa Mwaami.

Joshuwa 15:55

Mwakalinga aMaoni, Kamelo, Sifu, Juta,

1 Samwelo 15:12

Macuunsacuunsa bushiku bwakaboolaawo, Samwelo wakaya mukubona Saulo. Ono wakalwiitikwa ayi wakaya kuKamelo, uko nkwaakalibumbila kambwanga wa ciibalusho. Kuswa kooko wakaya kuGilugala.

2 Makani 17:12

Kuswawaawo Jeoshafati wakatolelela kuya ciba ankusu. Mucishi ca Juda coonse wakayaka malinga amandabala anene

2 Makani 17:13

umo mobakalinga kusungila shintu shiinji abuumbi. MuJelusalemu wakabikaamo bashilumamba bacibwene kulwana

2 Makani 32:29

Lesa wakamupa mbelele shiinji, ŋombe abuboni bumwi buunji cakwaamba ayi wakayaka mandabala amwi anene aanji.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.