2 Makani 24:21 - Baibo Busansulushi Bwa Libuku Ili

²¹ Sombi bantu abo bakabukila Sekaliya. Lyalo mukutumwa kumwaami Joashi, bakamuuma mabwe mulubansa lwa Ŋanda yakwe Lesa akumucaya.

2 Makani 24:21 Referans Kwoze

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Mateyo 21:35

Sombi balimi balya bakacata basebenshi bakwe akuumawo womwi, umwi bakamucaya alakwe umwi bakamuwaala mabwe.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Luka 11:51

kuswa kukucaikwa kwakwe Abelo kushikila kukucaikwa kwakwe Sekaliya, uyo wakacailwa pakati lya cipaililo alimwi aMusena Usalalite wa Ŋanda yakwe Lesa. Ee, ntoomulwiita ayi bantu ba cecino ciindi balaakupekwa mulandu pasheeshi shoonse!

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Jelemiya 20:2

wakangumisha kubantu akuŋanga mancetani. Lyalo wambika kuMwinjililo wakwe Benjameni waPeculu wa kuŊanda ya Mwaami Lesa.

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Jelemiya 26:21

Ono mwaami Jeoiyakimu, bacinenenene bakwe boonse alimwi abamatanjilili ndibakanyumfwa maswi akwe, mwaami wakalinga kusuni ayi amucaaye. Sombi Uliya wakanyumfwa cikani ico, aboobo wakaloonda akucicila kuIjipiti.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

Amosi 5:10

Mulipatite bantu bapikisha koombolosha kwakunyengelela akusebaanya wooyo waamba shalushinisho munkuta.