2 Makani 23:1 - Baibo Busansulushi Bwa Libuku Ili

¹ Mumwaaka wasanu ayobilo Jeoiyada mupailishi wakayumya moyo. Mpeeke wakapanga cipangano abamatanjilili ba bashilumamba bali mwaanda. Meena abo ngaaya: Asaliya mwanaakwe Jeloamu, Ishimaeli mwanaakwe Jeowanani, Asaliya mwanaakwe Obedi, Maaseiya mwanaakwe Adaya alimwi aElishafati mwanaakwe Sikili.

2 Makani 23:1 Referans Kwoze

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

2 Makani 15:12

Bakapanga cipangano ico ncebakasuminishanya kwaamba ayi banoolambila Mwaami Lesa, Lesa wa bamashali babo bakulukulu camoyo woonse abuumi bwabo boonse.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

Kulonga 6:21

Isa wakalinga kucite baana basankwa botatwe, abo bakalinga kwiitwa ayi Kola, Nefegi alimwi aSikili.

2 Makani 22:12

Joashi wakalinga kushisitwe kwamyaaka yosanwe awomwi muŊanda yakwe Lesa mweenka umo. Paciindi ico Ataliya ngowakalinga kulela cishi.

2 Baami 12:7

Mpeeke Joashi wakeeta Jeoiyada mupailishi abapailishi bamwi boonse akubeepusha ayi, “Ino tamutoobambulwitanshi Ŋanda yakwe Lesa? Ono kuswa sunu mutanoobika maali ayo ngomutambula. Mulyeelete kwaaleta kwaamba ayi Ŋanda yakwe Lesa ibambululwe.”