2 Makani 19:8 - Baibo Busansulushi Bwa Libuku Ili

⁸ Lyalo muJelusalemu Jeoshafati wakasala bene Lefi bamwi, bapailishi bamwi alimwi abamatanjilili ba bamumaandaabo bamwi ayi banokoombolosha milandu yakusotoka Milawo ya Mwaami Lesa akumana kupusana pakati ka bantu abo bakalinga kwikala muJelusalemu.

2 Makani 19:8 Referans Kwoze

1 Makani 26:29

Kuswa pabamulunyungu lwakwe Isa, Kenaniya abana bakwe bakasalwa kuba bacinenenene aboomboloshi pakati ka bene Isilaeli. Balo tebakalinga kusebensa muŊanda yakwe Lesa.

1 Makani 23:4

Mwaami Defedi wakasala bantu bali 24,000 kwaamba ayi banokweendelesha mulimo wakuyaka Ŋanda yakwe Lesa. Wakasala abamwi bali 6,000 ayi bakabe bacinenenene aboomboloshi.

Dutolonomi 25:1

“Ono na bene Isilaeli bobilo bapusana balyeelete kuya kunkuta. Lyalo boomboloshi balaakupa mulandu uyo wabisha akuleka wooyo utacite mulandu.

Dutolonomi 21:5

Bapailishi bene Lefi abalo balyeelete kuya mukwiinga Mwaami Lesa, Lesa wanu wakabasala ayi banoosebensa mulimo wa bupailishi akunoopa coolwe muliina lyakwe alimwi akunokoombolosha milandu yakulwana abucayi yoonse.

2 Makani 19:9

Wakabaambila ayi, “Mulyeelete kuloonda Mwaami Lesa, kumusebensela camyoyo yoonse akushomeka kuli nguwe mushintu shoonse nshemucita.

2 Makani 19:11

Amaliya mupailishi munene ngweshi akanoomweendelesha mukoombolosha milandu ikumya kuMwaami Lesa, alakwe Sebadiya mwanaakwe Ishimaeli, mweendeleshi wa bene Juda ulaakunoomweendelesha mukoombolosha milandu ikumya kumwaami wanu. Bene Lefi balo balicite mulimo wakubona ayi shintu shaambwa munkuta shitokweenda kabotu. Kamucita shintu cakubula boowa akucita kweelana amilasho iyi. Mwaami Lesa aabe abaabo bacita shiluleme!”

Kulumbaisha 122:5

Uko nkokwakabikwa shuuna shakoombolosheshaawo, ee, shuuna sha bwaami bwa mumukowa wakwe Defedi.

Esekelo 44:24

“Na kwaba milandu pakati ka bantu, bapailishi mbobeelete koombolosha kweelana amilasho yangu. Balyeelete kulama kusekelela kwakulemeka ndime kweelana amilawo amilasho yangu. Balyeelete kulama bushiku bwangu bwakookesha bwa Cibelu.