2 Makani 17:5 - Baibo Busansulushi Bwa Libuku Ili

⁵ Mwaami Lesa wakayumya bwaami bwakwe Jeoshafati. Bene Juda bakalinga kumuletela shipo, cakwaamba ayi alakwe wakaba mubile alimwi wakalinga kulemekwa abuumbi.

2 Makani 17:5 Referans Kwoze

2 Makani 18:1

Ono Jeoshafati mwaami wa bene Juda wakabila abuumbi akuba abulemu. Mpeeke wakapanga bushicibusa aAabu mukubamba cikwati pakati ka wamuŋanda yakwe awamuŋanda yakwe Aabu mwaami wa bene Isilaeli.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

2 Makani 32:23

Bantu baanji bakalinga kuleta shipo sha Mwaami Lesa kuJelusalemu ashintu shimwi shamakwebo kuli Esekiya mwaami wa bene Juda. Kuswa ciindi ico lakwe wakalinga kulemekwa abuumbi abantu ba mumishobo yoonse.

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.

Kulumbaisha 68:29

Ceebo ca Ŋanda yanu isalalite ili kuJelusalemu, bamaami bananooleta shipo kuli ndimwe.

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Kulumbaisha 76:11

Amupe Mwaami Lesa, Lesa wanu isho nshemwakamushomesha cakulumbila. Mishobo ishingulukite ailete shipo kuwooyo weelete kuloondwa.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

2 Makani 9:27

Paciindi ndyaakalinga kulela, silifa teyakalinga kulangoolwa mundabala inene ya Jelusalemu. Yakalingabo pali poonse mbuli mabwe. Ashalo shisamu sha sida shakalingabo mbwee bweenka mbuli mikuyu munshaatulundu twine Juda.

2 Makani 1:15

Paciindi ndyaakalinga kulela, silifa teyakalinga kulangoolwa mundabala inene ya Jelusalemu. Yakalingabo pali poonse mbuli mabwe. Ashalo shisamu sha sida shakalingabo mbwee bweenka mbuli mikuyu.

1 Baami 10:27

Paciindi ndyaakalinga kulela, silifa teyakalinga kulangoolwa mundabala inene ya Jelusalemu. Yakalingabo pali poonse mbuli mabwe. Ashalo shisamu sha sida shakalingabo mbwee bweenka mbuli mikuyu munshaatulundu twine Juda.

1 Baami 10:25

Muntu uli woonse wakalinga kwisa kuli Solomoni, wakalinga kuletelela acipo. Bamwi bakalinga kuleta shintu sha silifa asha golodi, bamwi mingaanjo, bamwi shakulwanisha, bamwi tununkila kabotu mubuyani, bamwi maaki abamwi shifubwa shili anga nimbongolo. Bakalinga kucita boobo pamwaaka amwaaka.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

Matalikilo 13:2

Abulamu wakalinga mubile abuumbi mubanyama bafubwa alimwi asilifa agolodi.

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.