2 Makani 13:11 - Baibo Busansulushi Bwa Libuku Ili

¹¹ Lyoonse macuunsa amacolesha balabenga milambu yakutenta aya tununkila kabotu kuMwaami Lesa. Balabika shimaande patebulu iyo Isalalite kweelana aMilawo alimwi macolesha oonse balanyansha malampi ali pashakwaabikaawo sha golodi. Swebo tulakonkela mbwaakatwaambila Mwaami Lesa, sombi mwebo mwakamushiya.

2 Makani 13:11 Referans Kwoze

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

Kulonga 29:38

“Anu lyoonsebo pabushiku, ukanoobenga mulambu pacipaililo wa bana ba mbelele bobilo bacite mwaaka womwi.

Luka 1:9

Ono kweelana ambobakalinga kucita bapailishi, bakooma cisolo ico cakawita Sekaliya kwaamba ayi aye muŊanda yakwe Lesa mukutenta tununkila kabotu pacipaililo.

Esekelo 48:11

Musena usalalite uyo ulaakuba wa bapailishi ba mulunyungu lwakwe Sadoki ceebo balo bakansebensela cakushomeka. Tabakwe kukonkela bene Isilaeli boonse mukubisha bwakacita bamumukowa wa bene Lefi bamwi.

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.

Esekelo 44:8

Mumusena wakusebensa mulimo wabo wakulama shintu shangu shisalalite muŊanda yangu, balo bakalekela baswamashi ayi beendeleshe mbabo sha mumusena wangu Usalalite.

Shakubelenga 16:46

Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”

Shakubelenga 16:6

Webo Kola alimwi abaabo batookukonkela mukalete shikaye shakubikawo mulilo.

Shakubelenga 9:19

Na likumbi lyatola ciindi cilaamfu kalili paTente, abalo bakalinga kunyumfwila Mwaami Lesa, aboobo tebakalinga kulonga.

Matalikilo 26:5

mukwiinga Abulaamu wakanyumfwila akukonkela milawo yangu yoonse anshindakamulwiita ayi acite.”

2 Makani 13:10

“Sombi swebo Mwaami Lesa, ngoLesa wesu alimwi tatumushiiyi. Tulicite bapailishi ba mulunyungu lwakwe Aloni mbobasebensela Mwaami Lesa akucafwikwa abene Lefi.

Shakubelenga 1:53

Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

2 Makani 2:3

Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.

2 Makani 4:20

Wakapanga shakubikaawo sha golodi wiine wiine amalampi a nshisho ayi kaanyaka kunembo lya Musena Usalalite Wiindaawo kweelana ambocakaambwa.