2 Makani 12:6 - Baibo Busansulushi Bwa Libuku Ili

⁶ Bamatanjilili ba bene Isilaeli pantu pomwi amwaami wabo bakaliceesha akwaamba ayi, “Mwaami Lesa uliluleme.”

2 Makani 12:6 Referans Kwoze

Kulonga 9:27

Mpomunyaawo mwaami Falawo wakeeta Mose aAloni akubaambila ayi, “Paciindi cino, ndabiisha. Mwaami Lesa uliluleme, sombi nebo abantu ba mucishi cangu tulilubite.

Danyelo 9:14

Mwebo noBaami baLesa, baLesa besu tamukwe kucelwa kutuletela mapensho mukwiinga mwebo muliluleme mushintu shoonse nshemucita alimwi swebo tatukwe kumunyumfwila.

Jemusi 4:10

Amuliceeshe pameenso a Mwaami Lesa, lakwe ulaakumusumpula.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Danyelo 5:22

“Sombi mwebo nobaBeloshasa nobana babo tamukwe kulibombyaawo nakubi kwaamba ayi mulishi cikani coonse ici.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Jelemiya 44:10

Ono kushikila asunu tamuna kulibombyaawo, sobwe. Ncakwiila tamuna kundemekaawo nabi kukonkela milawo amilasho iyo njendakapa ndimwe alimwi abamashali banu bakulukulu.’

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 13:15

Nobene Isilaeli, amukutike akubikako maano ceebo Mwaami Lesa waamba.

Kulumbaisha 129:4

Sombi Mwaami Lesa uliluleme. Waŋangulula kuswa muntambo sha bamucita shibi.”

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

2 Makani 33:23

Lakwe Amoni taakwe kuliceesha kuMwaami Lesa bweenka bwakacita baishi. Ncakwiila Amoni wakeendaawo kubisha pali baishi.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

2 Makani 33:12

Mukupenga kwakwe wakaliceesha akusandukila kuMwaami Lesa, Lesa wakwe akumusenga ayi amucaafwe.

2 Makani 32:26

Kuswawaawo Esekiya abantu ba muJelusalemu bakaliceesha. Lyalo bukali bwa Mwaami Lesa tabukwe kuseluka pali mbabo kushikila mwaami Esekiya ndyaakafwa.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

2 Makani 12:12

Ceebo cakwaamba ayi Leoboamu wakaliceesha, Mwaami Lesa wakabooshaamo moyo pali nguwe. Lyalo taakwe kunyonyoola bwaami bwakwe cakumaninina. Ncakwiila mwakaba luumuno muJuda.

2 Makani 21:2

Jeolamu mwanaakwe Jeoshafati mwaami wa bene Juda wakalinga kucite bamakwabo basankwa bali bosanwe awomwi, nkokwaamba ayi, Asaliya, Jeiyelo, Sekaliya, Asaliyawu, Mikaeli alimwi aShefatiya.