2 Bene Kolinto 8:5 - Baibo Busansulushi Bwa Libuku Ili

⁵ Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.

2 Bene Kolinto 8:5 Referans Kwoze

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

2 Bene Kolinto 8:1

Ono nobamakwesu, tulisuni kwaamba ayi mwishibishishe shaluse Lesa ndwakatondesha shoonde sha muMakedoniya.

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

2 Makani 30:12

Amwalo muJuda Lesa wakalinga kucite mulimo wakubacatanya pantu pomwi kwaamba ayi bacite kweelana amaswi a Mwaami Lesa mukukonkela shakaamba mwaami Esekiya abacinenenene bakwe.

1 Makani 12:18

Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

1 Samwelo 1:28

Aboobo ntoomubenga kuMwaami Lesa. Unanooli musebenshi wakwe Lesa lyoonsebo.” Mpomunyaawo bakalambila Mwaami Lesa apo.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

2 Bene Kolinto 4:5

Ceebo tatushimikili shapali ndiswe sobeene, sombi shapali Jesu Klistu ayi ngoMwaami. Swebo tulalyaamba ayi tuli basebenshi banu ceebo cakwe Jesu.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

1 Bene Kolinto 1:1

Ndime Paulo uyo wakeetwa kweelana akuyanda kwakwe Lesa ayi mbe mutumwi wakwe Klistu Jesu. Ndi amukwabesu Sositenesi.