2 Bene Kolinto 8:3 - Baibo Busansulushi Bwa Libuku Ili

³ Bakalinga kupa kweelana ambobakalinga kukonsha. Inga ndaamba ayi bakalinga kwiindilisha ampobakalinga kukonsha.

2 Bene Kolinto 8:3 Referans Kwoze

Kulonga 35:29

Boonse bene Isilaeli abo bakasuna kubenga, bakaleta shipo shabo kuMwaami Lesa kwaamba ayi basebenseshe kumilimo iyo njaakaambila Mose ayi bakacite.

Kulonga 35:5

Amupe cipo kuMwaami Lesa. Uyo woonse usuni kucita boobo, ulyeelete kuleta cipo ca golodi, silifa nabi bulonse,

Filimoni 1:14

Nakubi boobo nshisuni kukukakatisha ayi uncaafwe, sombi ndisuni kwaamba ayi ulisuminine omwiine.

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

Milimo ya Batumwi 11:29

Ono bashomi bakayeeya kwaamba ayi womwi awomwi atume lucafwo kubashominyinaabo bakalinga kwikala kuJudeya kweelana ambwaakalinga kukonsha.

1 Bene Kolinto 9:17

Nendakaliyandila kucita mulimo uyu, naakwiinga kaanangila kutambula cilambu. Ono mukwiinga nshikwe kuliyandila, ndasebensabo ceebo Lesa ngowakantuma.

1 Makani 29:9

Bantu boonse bakasangalala abuumbi kubona bamatanjilili mbobakapa kuMwaami Lesa cakulyaaba alimwi camyoyo yoonse. Ncakwiila alakwe Defedi wakasangalala abuumbi.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

1 Bene Tesalonika 2:8

Peculu lya waawo ceebo cakumusunisha twakalinga kulibambite kuteshibo kumwishibisha shaMakani Abotu aswa kuli Lesa, sombi akupa buumi bwesu sobeene. Ncakwiila twakalinga kumusuni abuumbi!

Bene Kolose 4:13

Nebo ndikamboni kwaamba ayi muntu uyu ulasebensa abuumbi ceebo ca ndimwe abaabo bali kuLawodisiya alimwi akuAyilapolisi.

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Bene Loma 10:2

Nebo inga ndaba kamboni pacikani cakwaamba ayi balisuni abuumbi kusebensela Lesa, sombi kusebensa kwabo takuswi mulushibo lwancinencine.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Bene Galatiya 4:15

Nciinshi cacitika, nobantu nomwakalinga kukondetwe bobulya? Mukwiinga ndishinishite kwaamba ayi necakalinga kukonsheka naakwiinga meenso anu mwalobolaamo akumpa.

Maako 14:8

Mwanakashi uyu wacita cintu ncaakonsha kucita. Wananikilabo limwi mafuta mubili wangu kwaamba ayi unoolindilabo kufukilwa.