2 Bene Kolinto 12:7 - Baibo Busansulushi Bwa Libuku Ili

⁷ Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

2 Bene Kolinto 12:7 Referans Kwoze

Shakubelenga 33:55

Sombi na mukabule kutanda bantu bali mucishi ico, abo mbweshi bakacaale balaakumupensha anga ntupampaansha mumeenso nabi anga njimyuumfwa ili mumbafu shanu alimwi balaakumulwana.

Boomboloshi 2:3

Ono ntoomulwiita ayi bantu aba teshi mbataandeemo, sobwe. Balaakuba balwani banu alimwi balesa babo balaakuba anga ntoose kuli ndimwe.”

Bene Galatiya 4:13

Mwebo mulishi kwaamba ayi kataanshi ndakaba aciindi cakumushimikila Makani Abotu mukwiinga ndakaciswa.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

1 Bene Kolinto 5:5

mukaabe musankwa uyo kunkusu shakwe Satana kwaamba ayi mubili wakwe unyonyoolwe. Lyalo muuya wakwe ndyeshi ukapulushikwe pabushiku bwakwisa Mwaami Jesu.

Matalikilo 32:31

Lisuba lyakalinga kuya buswa Jakobo ndyaakalinga kuswa paPenyelo, sombi wakalinga kuya cisunkuta ceebo ca kasolo.

Jobo 2:7

Mpomunyaawo Satana wakaswaawo pameenso a Mwaami Lesa akuya mukupa Jobo shilonda mubili woonse.

1 Timoti 3:6

Taaelete kuba muntu wakasanduka onoono mukwiinga cimwi ciindi inga walisumpula akupekwa mulandu mbuli Satana.

2 Makani 26:16

Mwaami Usiya ndyaakaba ankusu abulemu, wakatalika kulisumpula. Ico cakalengesha bwaami bwakwe kuboola panshi. Wakabisha kuMwaami Lesa, Lesa wakwe mukuya muŊanda yakwe akutenta tununkila kabotu pacipaililo ca ntuto.

Dutolonomi 8:14

amushinishe kwaamba ayi teshi mukatalike kulisumpula akuluba Mwaami Lesa, Lesa wanu, wakamufuna kuswa muIjipiti umo momwakalinga basha.

Matalikilo 32:25

Musankwa uyo ndyaakabona ayi taatookoma, wakooma Jakobo kukasolo, mpeeke kakashukumukaamo mulinungi.

2 Bene Kolinto 11:20

Ceebo mwebo mulakondwa bantu bamutola mubusha, na bamunyengelela shintu, na bamubeca, na bamulenga buluya nabi bamuuma mpaka kumeenso.

1 Bene Kolinto 4:11

Abobulya tuloona nsala alimwi tuleendabo anyotwa. Tatufwali kabotu tuloomwa abuumbi, tuli beshikulongalonga.

Esekelo 28:24

Mwaami Lesa waamba ayi, “Bene Isilaeli teshi bakabewo tubili abeshikamukobonyinaabo babapatite bali anga nshisonsoonya shicisa amyuumfwa ikolete. Lyalo ndyeshi bakeshibe ayi nebo ndi Mwaami Lesa Shinkusu shoonse.”

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Dutolonomi 17:20

Ici cilaakumulengesha kutayeeya ayi lakwe uli kabotu kwiinda bene Isilaelinyina bamwi boonse, akumukasha kutakonkela milawo ya Mwaami Lesa munshila ili yoonse. Lyalo lakwe alimwi abamulunyungu lwakwe balaakweendelesha ciindi cilaamfu muIsilaeli.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Luka 13:16

Ino uyu mwanakashi wa mulishalane lyakwe Abulaamu uyo Satana ngwaakaanga myaaka likumi ayosanwe alimwi ayotatwe, sa teelete kwaangululwa pabushiku bwakookesha?”

Mateyo 26:67

Mpomunyaawo bakamushipila mate pameenso akumuuma. Bamwi bakamuuma mapaka

Jobo 2:6

Mpeeke Mwaami Lesa wakaambila Satana ayi, “Ncibotu, ndamubika mumaansaako, sombi kubuumi bwakwe kutacataako.”

Osiya 2:6

“Paceebo ceeco nebo neMwaami Lesa ndaakushinka nshila yabo amyuumfwa. Ee, ndaakuyaka lubumbu kushinka nshila yabo.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

2 Bene Kolinto 10:10

Ceebo umwi inga waamba ayi, “Makalata ngaaleemba Paulo alicite bulemu alimwi ankusu. Sombi ndyaaba aswebo ulaboneka anga ngumubombu alimwi kwaamba kwakwe nkuubu.”

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.