2 Bene Kolinto 11:6 - Baibo Busansulushi Bwa Libuku Ili

⁶ Mpashi nshina kucishiba kwaamba kabotu, sombi lushibo ndicite. Ici twakacaamba patuba munshila amushintu shoonse.

2 Bene Kolinto 11:6 Referans Kwoze

Bene Efeso 3:4

Kwiinda mukubelenga mbondalemba, inga mwaboona lushibo ndooncite pashabushishi bwapali Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

1 Bene Kolinto 1:17

Ceebo Klistu taakwe kuntuma ayi nooya cibombekabo, sombi wakantuma kuya cishimikila Makani Abotu. Nsheelete kwaashimika kweelana abusongo bwa buntu, kuloonda kwaamba ayi nkusu sha lufu lwakwe Klistu pamucilingano inga shayeeyelwa ayi taaku mboshibete.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

2 Bene Kolinto 12:12

Shaankamiko ashitondesho sha nkusu sha kwiculu, isho shitondesha butumwi bwangu bwancinencine shakacitwa pakati kanu cakukalika moyo.

2 Bene Kolinto 10:10

Ceebo umwi inga waamba ayi, “Makalata ngaaleemba Paulo alicite bulemu alimwi ankusu. Sombi ndyaaba aswebo ulaboneka anga ngumubombu alimwi kwaamba kwakwe nkuubu.”

2 Bene Kolinto 5:11

Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.

1 Bene Kolinto 2:13

Nkokwaamba ayi tatushimikili maswi aswa mubusongo bwa buntu, sombi mumaswi aswa muMushimu Usalashi. Tuleesha shaMushimu Usalashi kubantu bacite Mushimu uyo.

2 Bene Kolinto 7:2

Amututambule mumyoyo yanu. Taaku ngotwakabishisha, kunyonyweeta lushomo nabi kubeca.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,