2 Baami 1:9 - Baibo Busansulushi Bwa Libuku Ili

⁹ Lyalo mwaami wakatuma mutanjilili wa bashilumamba pantu pomwi abashilumamba bakalinga makumi osanwe kuya mukucata Elija. Mutanjilili uyo wakamucana kashiite pakalundu akumwaambila ayi, “Omuntu wakwe Lesa, mwaami waamba ayi useluke.”

2 Baami 1:9 Referans Kwoze

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.

Maako 15:32

Atumubone Usalitwe wakwe Lesa, mwaami wa bene Isilaeli aseluke kuswa pamucilingano kwaamba ayi tushome.” Abalo abo mbwaakapopwaabo bakalinga kumutukana.

Maako 15:29

Mpeeke bantu bakalinga kwiindilaako, bakalinga kupukumunabo mitwi akunoocobola Jesu kabaamba ayi, “Amubone! Webo ndiwe wakalinga kwaamba ayi ulaakumwayulula Ŋanda yakwe Lesa akwiiyaka alimwi munshiku shotatwe.

Mateyo 27:29

Bakapanga mushini wa myuumfwa babika pamutwi wakwe akumufumbatisha litete mulyaansa lyalulyo. Lyalo bakafukama kunembo lyakwe akumwaansha anga nkumulemeka ayi, “Waboneka omwaami wa baJuda!”

Mateyo 26:68

bakaamba ayi, “Twaambile webo oUsalitwe wakwe Lesa, ino ngani wakuuma?”

Mateyo 14:3

Ceebo pesule Joni Mubombeki kaatana kufwa, Elodi wakatuma bashilumamba ayi baange Joni akumubika muntolongo. Wakacita shoonse ishi ceebo cakwe Elodyasi muka Filipo, mukwabo.

Amosi 7:12

Lyalo Amasiya wakaambila Amosi ayi, “Swaamo muno webo omulaluki! Boolela kucishi ca Juda. Koya ukanoolalukila nkuko akunoolicanina shakulya nkomunya uko.

1 Baami 22:8

Aabu wakakumbula ayi, “Nkwaali womwi wiitwa ayi Mikaya mwanaakwe Imila. Sombi nebo ndimupatite mukwiinga lyoonse taalaluki shintu shibotu pali ndime, sombi sheenka shibiibi.” Jeoshafati wakamukumbula ayi, “Tooelete kwaamba boobo!”

1 Baami 19:2

Aboobo Jesebelo wakatuma nkombe kuli Elija ayi “Na ciilo paciindi ceenka cino nkabule kucita kuli ndiwe mbowakacita balaluki abo, balesa abakancaaye.”

1 Baami 18:42

Aboobo Aabu wakaya mukulya. Elija lakwe wakatanta Kalundu ka Kamelo, waya wafukama amutwi wakwe waubika mukati ka mabelo.

1 Baami 18:10

Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo mwaami Aabu walema kumulangoola mushishi shoonse sha pacishi ca panshi cino. Na mwaami wa cishi ico nceenga weepusha wakaka, uyo mwaami ulyeelete kushomesha cakulumbila ayi tamumo mucishi cakwe.

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

Luka 9:54

Mpomunyaawo Jemusi aJoni, bashikwiiya bakwe Jesu, ndibakabona bobulya bakaamba ayi, “Nkambo, sa mulisuni kwaamba ayi twiite mulilo kuswa kwiculu ayi wise unyonyoole bantu aba?”

Jelemiya 35:4

Lyalo boonse ndakabaleta muŊanda ya Mwaami Lesa akubenjisha mucipinda ca bana bakwe Anani mwanaakwe Igidaliya muntu wakwe Lesa. Cipinda ici cakalinga kubambene acipinda ca bacinenenene. Cipinda ici cakalinga peculu lya cipinda cakwe Maseiya mwanaakwe Shalumu shikulindilila mulyango wa Ŋanda yakwe Lesa.

1 Samwelo 19:21

Saulo wakalwiitwa cikani ico. Lyalo wakatumaako abamwi bantu bakwe, ono abalo bakatalika kulaluka. Saulo wakatuma abamwi lyatatu, sombi abalo bakatalika kulaluka.

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

2 Baami 2:25

Mpeeke Elisha wakaya kuKalundu ka Kamelo. Kuswa kooko wakaboolela kuSamaliya.

2 Baami 4:25

Mpomunyaawo wakanyamuka waya kuKalundu ka Kamelo uko Elisha kwakalinga. Elisha wakamubona kaacilibo kulaale akwaambila Geyasi musebenshi wakwe ayi, “Bona, mwanakashi wa kuShunemu waashika!