1 Timoti 6:9 - Baibo Busansulushi Bwa Libuku Ili

⁹ Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

1 Timoti 6:9 Referans Kwoze

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

1 Timoti 3:7

Bantu bakunsengwe balyeelete kunoomulemeka kwaamba ayi atakanyumfwi nsoni akucatwa mukoose kakwe Satana.

Milimo ya Batumwi 8:20

Sombi Pita wakamukumbula ayi, “Webo fwitabo pantu pomwi amaali ako mukwiinga utooyeeya ayi inga woola cipo cakwe Lesa amaali!

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Maako 4:19

sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

Mateyo 26:15

akwiipusha ayi, “Ino inga mwampanshi na ndaaba Jesu kuli ndimwe?” Mpeeke bakabelenga maali asilifa ali makumi otatwe.

Mateyo 19:22

Musankwa uyo ndyaakanyumfwa boobo, wakaswaawo kaaungumene ceebo wakalinga mubile abuumbi.

Tushimpi 22:16

Uyo ulyatilila bakandu ayi abililewo, awooyo upa shipo kubantu babile kale, boonse balaba bakandu.

Tushimpi 21:6

Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.

Tushimpi 20:21

Buboni bwampyani bubweswa cakufwambaana, pesule bulaba lishingo kuwooyo wabubwesa.

2 Timoti 2:26

Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.

1 Timoti 1:9

Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

Luka 21:35

Bushiku ubo bulaakwisa bweenka mbuli koose akucata bantu boonse ba mucishi ca panshi.

Sekaliya 11:5

Bashuula balashicaya kwakutapekwa amulandu. Abalo balya bashuulisha balaamba ayi, ‘Aalumbaishikwe Mwaami Lesa, ndabiila!’ Nabi beembeshi ba nshisho boonse tabashifwitiiwo ankumbu.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Tushimpi 23:4

Utalipenshi kuyanda kubila, tondesha busongo bwakulicata.

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Shakubelenga 31:8

kubikaawo abamaami ba bene Midyani bali bosanwe. Meenaabo ngaaya. Efi, Lekemu, Suli, Uli alimwi aLeba. Bakacaila kumwi aBalaamu mwanaakwe Beyo.

Mateyo 6:19

“Mutanoolibikila bubile pacishi ca panshi pano, apo tubambala andalabwa mposhinyonyoola alimwi abeepi mpobenjila akwiipa.

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

1 Baami 21:6

Wakakumbula ayi, “Ceebo ca sheesho shankumbula Naboti mwine Jesiliilu. Ndalinga ndamwaambila ayi ngule muunda wakwe wa minyansa nabi kumupetaamo muunda umwi. Sombi lakwe wakaka shoonse!”