1 Timoti 4:3 - Baibo Busansulushi Bwa Libuku Ili

³ Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

1 Timoti 4:3 Referans Kwoze

1 Timoti 4:4

Mukwiinga shintu shoonse Lesa nshaakalenga nshibotu. Tasheelete kukakwa, sombi shoonse shilyeelete kutambulwa amupailo wakulumba Lesa,

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Bene Loma 14:6

Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

1 Bene Kolinto 8:8

Cakulya tacitusenyi pafwaafwi aLesa. Taaku ncetusowekelwa na twabula kulya, nabi cicanwa kwiinda mukulya.

Matalikilo 9:3

Ono inga mwashilya pantu pomwi ashabucisa. Ndamupa shoonse kwaamba ayi munoolya.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

1 Bene Kolinto 7:28

Nakubi boobo na musankwa weeba, taakwe kubisha kuli Lesa. Alakwe mwanakashi utana kweebwaawo, ono weebwa, taakwe kubisha. Sombi nshindalinga kusuni kwaamba ayi mwiinde mumakatasho ali mushikwati shinoonshiku.

Bene Loma 14:3

Muntu uyo ulya cili coonse atasebaanyi muntu ulyabo bucisa, alakwe ulyabo bucisa, ataboni wooyo ulya cili coonse ayi utoobisha mukwiinga Lesa wakamutambula.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.

1 Timoti 2:4

uyo usuni kwaamba ayi bantu boonse bakapulushikwe akwishiba shalushinisho.

1 Bene Kolinto 6:13

Aumwi muntu inga waamba ayi, “Cakulya nca lifumo, alyalo lifumo ndya cakulya.” Nakubi boobo Lesa ulaakunyonyoola shoonse shobilo. Mubili teshi wakucitisha bufuule napaceyi, sombi ngwakusebensesha mulimo wa Mwaami Jesu alimwi Mwaami ulaubambila shiyandika.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Mateyo 15:36

Lyalo wakabwesa shinkwa wosanwe awobilo uyo alimwi atuswi, ndyaakamana kulumba Lesa, wakakomoona shinkwa akupa bashikwiiya bakwe ayi baabile bantu. Abalo bashikwiiya bakwe bakabaabila.

Shikushimikila 5:18

Kuswawaawo ndakayeeya ayi cintubo ciindaawo kubota muntu nceenga wacita nkulya, kunwa akusangalala musheesho nshaakayuwila pacishi ca panshi panshiku shiniini sha buumi isho Lesa nshaamupa. Mukwiinga ico ncecipo ncaakapekwa.

Mateyo 14:19

Lyalo Jesu wakaambila bantu ayi bekale panshi pabwiisu. Wakabwesa shinkwa wosanwe alimwi atuswi tobilo, walanga kwiculu akulumba Lesa. Ndyaakamanisha wakakomoona shinkwa akupa bashikwiiya bakwe abalo bakaabila bantu.

Milimo ya Batumwi 27:35

Ndyaakamana kwaamba boobo, Paulo wakabwesa shinkwa akulumba Lesa pameenso abo boonse, wakakomonaako watalika kulya.

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

Luka 24:30

Ndyaakekalaabo pakulya wakabwesa shinkwa akulumba Lesa. Mpeeke wakaukomoona akubaabila.

Danyelo 11:37

Mwaami uyo ulaakusuula balesa ba bamashali bakwe bakulukulu akusuula lesa uyo banakashi ngobasunishi. Ulaakucita boobo ceebo ulaakulipa bulemu kwiinda balesa boonse.

1 Samwelo 9:13

Mwashikabo mundabala mutoomucana kaatana kuya pakalundu mukulya. Mukwiinga bantu tabakoonshi kutalika kulya kaatana kushika uko akusengela coolwe mulambu. Lyalo bantu batambwa ndyeenga balya. Ono kamuya, mulamucana ciindi ceenka cino.”

Mateyo 15:11

Teshi ceeco cintu cinjila mulifumo lya muntu cimubisha, sombi nceeco ciswa mukanwa.”

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.