1 Timoti 4:15 - Baibo Busansulushi Bwa Libuku Ili

¹⁵ Cita shintu ishi cakulibenga kwaamba ayi boonse babone ayi buumi bwako muli Klistu butooya cikula.

1 Timoti 4:15 Referans Kwoze

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Kulumbaisha 143:5

Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.

Kulumbaisha 104:34

Miyeeyo yangu yoonse aimusangalashe mukwiinga kukondwa kwangu kulaswa kuMwaami Lesa.

Milimo ya Batumwi 6:4

Sombi swebo tutoolibenga kumipailo akushimikila maswi akwe Lesa.”

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Kulumbaisha 119:97

Milawo yanu ndiisuni abuumbi! Ndayeeyabo pali njiyo lilaya mukwipila.

Joshuwa 1:8

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

Kulumbaisha 119:148

Mashiku woonse ndaba acilabila kwaamba ayi nooyeeya pakushomesha kwanu.

Kulumbaisha 119:99

Ndicite maano akunyumfwa kwiinda bamafundishi bangu boonse, ceebo ndayeeyabo pakwiisha kwanu.

Kulumbaisha 119:48

Milawo yanu iyo njeensuni ndeelemeka, alimwi milasho yanu ndeeyeeya akuyiiya.

Kulumbaisha 119:15

Ndayeeya pamilasho yanu, akubika maano panshila shanu.

2 Bene Kolinto 8:5

Bakacita buteshi mbotwakalinga kubayeeyela, sombi kutaanguna bakalibenga kuli Lesa, lyalo kweelana akuyanda kwakwe Lesa, bakalibenga akuli ndiswe.

Kulumbaisha 105:5

Kamwiibaluka shitondesho sha nkusu sha kwiculu nshaakacita, shankamiko shakwe alimwi abupingushi mbwaakapa.

Kulumbaisha 49:3

Mumulomo wangu mulaakuswabo makani abusongo, shiswa kumoyo wangu shilaakuba shintu shinyumfwika.

Kulumbaisha 19:14

Maswi aswa mumulomo wangu, amiyeeyo ya mumoyo wangu, shoonse shibe sheesho shimusangalasha noBaami baLesa, nomwaandami wangu alimwi noBeshikumpulusha.

1 Bene Kolinto 16:15

Mulishi kabotu kwaamba ayi Sitefanasi abamuŋanda yakwe, mbobataanshi kushoma muli Jesu mucishi ca Akeya alimwi bakalibenga beene kusebensela bashominyinaabo. Ono ntoomusenga, nobamakwesu, ayi

Kulumbaisha 119:23

Nabi bamaami babungana akuncobola, nebo nemusebenshi wanu ndanoobikitebo maano mumilasho yanu,

Kulumbaisha 77:12

Ndaakuyeeya pashintu shoonse nshemwakacita, ncakwiila ndaakuyeeya pamilimo yanu ya nkusu.

Kulumbaisha 63:6

Ndingona mubulo bwangu mulesa mumiyeeyo yangu, ndamuyeeya muciindi ca mashiku.

Kulumbaisha 1:2

Sombi lakwe ulacana kusangalala mukukonkela Milawo yakwe Lesa, alimwi muMilawo iyo ulayeeyaamo mashiku amalumwi.

2 Bene Kolinto 4:14

Tulishi kwaamba ayi Lesa uyo wakabusha Mwaami Jesu kuswa kubafu, ulaakutubusha aswebo bweenka mbuli Jesu akututola soonse andimwe uko nkwaabete.

1 Timoti 4:14

Utasuuli cipo ico ncewakapekwa balaluki ndibakashimikila makani akwe Lesa, ciindi likoto lya bamatanjilili ndilyakabika maansa pali ndiwe.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

Shakubelenga 8:26

Kuswawaawo inga kaacafwa bene Lefinyina mumilimo yabo muTente, sombi palwaakwe mwiine taacite mulimo wakusebensa nabi womwi. Anu ubo mbomweelete kupa bene Lefi milimo.”