1 Timoti 2:9 - Baibo Busansulushi Bwa Libuku Ili

⁹ Ndisuni akwaamba ayi abalo banakashi kabafwala kabotu cabulemu akulibombya. Kuteshi cakusandoola bubaambo bwa misusu, kufwala shibekabeka sha golodi, bulungu munshingo, nabi shakufwala shamakwebo.

1 Timoti 2:9 Referans Kwoze

Jelemiya 4:30

Utoocitanshi webo ondabala yakanyonyoolwa? Utoofwalilanshi shisani shifubelafubela akufwala shakulibotesha sha golodi? Ino walinanikilanshi shakulibotesha mumeenso? Bana utoolipenshabo kulibotesha. Abo bakalinga kukusuni, bakakusuula. Bulya batoopinga kukucaya.

Kulumbaisha 149:4

Ceebo Mwaami Lesa ulakondwa mubantu bakwe, ulalemeka baliceesha mukubapa nkusu shakukoma.

Isaya 3:16

Mwaami Lesa waamba ayi, “Amubone banakashi bene Jelusalemu mbobatoolisumpula. Baleenda cakunonomona nshingo akulasha meenso a nkwela. Baleenda cakunangaila uku kabalisha makosa ayo ngobafwala kumyeendo.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

2 Baami 9:30

Jewu wakashika kuJesiliilu. Jesebelo ndyaakanyumfwa shakacitika, wakalibamba kumeenso akusakula kabotu misusu yakwe. Lyalo wakaya weemikana pambwelyo kaasondela.

Tushimpi 7:10

Mpeeke mwanakashi ulya wakaswa kuya mukumukumanya, wakalinga kufwete cabufuule kaacite muyeeyo womwibo.

Matalikilo 24:53

Kuswawaawo wakakusha makosa ashimwi sha mushobo uyo sha golodi asha silifa, alimwi ashisani ashakufwala sha mushobo amushobo akupa Labeka. Nandumi shakwe abanyina wakabapa aabalo shipo shamakwebo.

Isaya 61:4

Balaakuyakulula shakanyonyoolwabo kale kale, ee, kuyakulula misena iyo yalinga mumatongo kwaciindi cilaamfu. Balaakuyakulula mandabala ayo akalinga kupwayookite alimwi alinga kucaalite cisuukila kwamashalane maanji.

Esita 5:1

Pabushiku bwatatu bwakulikasha kulya Esita wakafwala shakufwala shakwe sha bwaami akuya mukwiimikana kulubansa lwa mukati lwa ŋanda ya bwaami kaalangite kucipinda cinene ca cuuna ca bwaami. Mwaami wakalinga kushiite pacuuna cakwe kaalangite kumulyango.

Tushimpi 31:22

Ulatunga manduumba a pabulo bwakwe alimwi ulafwala insalu shamakwebo shifubelafubela.

Mateyo 11:8

Ino nciinshi ncemwakaya mukubona? Sa ngumuntu wakalinga kufwete shakufwala shibotu? Tau, bafwala shakufwala shibotu balekala mumaanda a bamaami.

Tushimpi 31:25

Ngumwanakashi muyumu alimwi ulemekwa. Taalisukami ayi ciilo ndaakucita buyani.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.