1 Timoti 2:2 - Baibo Busansulushi Bwa Libuku Ili

² Mupailile baami abaabo bali mubweendeleshi kwaamba ayi twikale muluumuno cakulemeka Lesa abuumi bubotu.

1 Timoti 2:2 Referans Kwoze

Esila 6:10

Mulaakunoocita boobo ayi bakanoobenga milambu kuli baLesa ba kwiculu alimwi akumpaililaako kwaamba ayi nokweendela buumi abana bangu basankwa.

Jelemiya 29:7

Kuswawaawo muyandoole luumuno akuswitilila kwa ndabala iyo njendakamutolaako busha. Amumpaile kuli ndime neMwaami Lesa pandabala iyo ceebo na ikaswitilile, amwebo mulaakuswitilila.’

Tushimpi 24:21

Omwanaangu, kolemeka Mwaami Lesa alimwi amwaami ukulela. Utacatani pomwi abaabo beshikubabukila

1 Bene Tesalonika 4:11

Muyeeyo wanu lyoonse aube wakwikala buumi bwa luumuno, kwiilibala ncootoocita akulicanina shiyandika bweenka mbotwakamulwiitawo kale.

Neyemiya 1:11

Amukutike mupailo wangu nemusebenshi wanu pantu pomwi amipailo ya basebenshi banu bamwi boonse abo basangalala mukumulemeka. Amumpe coolwe nemusebenshi wanu kwaamba ayi mwaami uyo anyumfwile nkumbu.” Muciindi ico ndakalinga shikupa mwaami waini.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Bene Loma 12:18

Na kacikonsheka mulyeelete kwikala muluumuno abantu boonse.

Kulumbaisha 72:1

NobaLesa, amulengeshe mwaami koombolosha cabululami. Amumulengeshe koombolosha cakutanyengelela mbuli ndimwe.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Milimo ya Batumwi 10:22

Basankwa aba bakakumbula ayi, “NguKonelyasi, munene wa bashilumamba bali mwaanda, watutuma. Ngumuntu ululeme, ulambila Lesa alimwi ulalemekwa bumbi abaJuda. Munjelo wakwe Lesa ngowakalwiita Konelyasi ayi akwiite kuŋanda yakwe mukunyumfwa ceeco nceshi ukamulwiite.”

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

2 Samwelo 20:19

Ndabala yesu ino nindabala inene abuumbi, ndabala icite luumuno alimwi icite bantu banyumfwila bweendeleshi muno muIsilaeli. Ino nceebonshi mutooyanda kwiinyonyoola? Sa mutooyanda kunyonyoola buboni bwa Mwaami Lesa?”