1 Samwelo 7:5 - Baibo Busansulushi Bwa Libuku Ili

⁵ Mpeeke Samwelo wakaamba ayi, “Amubunganye bene Isilaeli boonse kuMisipa kwaamba ayi nkabapailileeko kuMwaami Lesa uko.”

1 Samwelo 7:5 Referans Kwoze

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Jowelo 2:16

Amubunganye bantu pantu pomwi. Mubalwiite kwaamba ayi balisalashe. Amubunjike bamaloba boonse akubunganya banike pantu pomwi. Amubunjike abakateta. Abalo banabwiinga abashibwiinga baswe muŋanda yabo.

Neyemiya 9:1

Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.

2 Baami 25:23

Ono bamatanjilili ba bashilumamba bene Juda pantu pomwi abashilumamba boonse ndibakanyumfwa ayi mwaami wa bene Babiloni wakasala Gedaliya kuba mweendeleshi wa bene Juda, bakaya kuli Gedaliya muMisipa. Meena a bamatanjilili ba bashilumamba ngaaya, Ishimaeli mwanaakwe Netaniya, Jowanani mwanaakwe Kaleya, Selaya mwanaakwe Tanuumeti uyo wakalinga kuswa kundabala ya Netofa alimwi aJesaniya wa kundabala ya Maaka.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

1 Samwelo 10:17

Mpomunyaawo Samwelo wakeeta bantu boonse ayi babungane mukulemeka Lesa kuMisipa.

1 Samwelo 7:16

Mwaaka amwaaka wakalinga kushinguluka kuBetelo, Gilugala, alimwi aMisipa. Mumisena iyi wakalinga kuya coombolosha milandu.

1 Samwelo 7:12

Lyalo Samwelo wakabwesa libwe akulibika pakati ka ndabala ya Misipa aSheni. Libwe ilyo wakalitumba ayi Ebenesa akwaamba ayi, “Mwaami Lesa watucafwa mushinso woonse uyu.”

Joshuwa 15:38

Dilini, Misipa, Jokiteli,

Matalikilo 20:7

Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

Matalikilo 31:49

Labani alakwe wakaamba alimwi ayi, “Mwaami Lesa kaatubona soonse sobilo ciindi nditutabete pantu pomwi.” Paceebo ceeco musena ulya wakatumbwa alimwi liina lya Misipa.

Boomboloshi 10:17

Mpeeke bashilumamba ba bene Amoni bakalibambila kulwana akuyaka misumba kuGilyadi. Bene Isilaeli abalo bakabungana akuyaka misumba yabo kuMisipa.

1 Samwelo 7:4

Mpomunyaawo bene Isilaeli bakasowa shibumbwabumbwa shakwe Baali ashikoshanyo shakwe Ashitaloti akutalika kulambilabo Mwaami Lesa eenka.

1 Samwelo 8:6

Samwelo taakwe kusekelaamo mukusenga kwabo, Aboobo wakapaila kuMwaami Lesa.

1 Samwelo 12:17

Sa te nciindi cakutebula witi bulya? Ntoopaila kuMwaami Lesa ayi atume cilulumo amfuula. Lyalo mutooshiba ayi mwakacita cilubo cinene pameenso a Mwaami Lesa ndimwakasenga ayi amupe mwaami.”

Jelemiya 40:6

Aboobo nebo neJelemiya ndakaya kuli Gedaliya kuMisipa akwikalaakwe pantu pomwi abantu abo bakacaala mucishi.

Joshuwa 18:26

Misipa, Kefila, Mosa,

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.